Im Bild - de zemli fotografisch Podcast

Zwoi Bruefsfotografe, spannendi Gäst:innen und e Materialschlacht, wo langsam fascht Studiocharakter het. 🎙️📷Das isch de Mundart-Podcast Im Bild - de zemli fotografisch Podcast.Adrian und Cornelius führed durch d’Sendige, während de Robin zwüsche Mikrofone, Kameras und Kabelchaos für Bild, Schnitt und Social Media sorget.Jetzt inelose und driiluege.

Das isch die erschti Podcast Folg wo met de Zämmearbet vo Same Kollektiv entstande isch. Same Kollektiv setzt sech vor allem Ih för d’Sichtbarkeit vo de Fotografinne i eusere Branche. Das unterstütze mer natürlich meh als gärn und drumm werded mer in Zuekunft no so einigi spannendi Gspröchspartnerinne us em Same Kollektiv bi eus z’Gast ha! Falls er meh zu Same Kollektiv wend erfahre findet er no eusi Live-Ufnahm met de zwoi Gründerinne i eusem Podcast Archiv oder gönd direkt uf www.samekollektiv.ch Und jetzt zu eusem Gast, d’Michelle Aimée isch imene Fotografische Umfeld tätig wo de Cornelius grad Herzliauge becho het 😍 Sie isch agschtellt als Fotografin bi de Veterinary Faculty a de Uni Zürich und het dete so zimlich alles vor de Linse, vo Chnoche, Tier, OP Situatione, WisseschaftlerInne, usw. Also sehr vielsitig und unglaublich spannend. Wieso d’Michelle freud hed endlich met anderen Bruefslüt über eri Arbet z’spreche, wieso de Cornelius ufblüet bi dem Thema, wie die WisseschaftlerInne wohl nomol id Schuel söttet för Mediekompetenze und was den e Chnoche so Ähnlichkeite met em Adi sinerer Fotografie het erfahred ehr alles i eusem Gspröch. Do no de Michelle eri Website:www.michelle-aimee.ch

Mer hend en spannendi Fotografin als Gast bi eus im Podcast Studio döffe begrüesse. Sie isch erscht grad retour us Namibia cho und den schnurstracks ab zu eus nach Aarau. D’Claudia Link isch e Lifestyle und Resiefotografin meteme spannende Background us de Kunst und het eus so einiges chöne äber Reiseplanig, Material uf Reise, Ängst und Schöns am Reise, usw. chöne verzelle. Usserdem hemmers no öber eres Bilddatebank-Projekt AETHIK verzellt, mega spannend!I dem Sinn lönd euch in e anderi Welt loh begleite und gnüsseds met euchne Ohre :)Claudia Link: www.claudialink.ch

Hello zäme, mer send mol weder Remote unterwegs!Hend das grad gnutzt um euses neue Ass im Ärmel de Robin i eusi Alltagsfolge izbinde, er verzellt jetzte ussem Nähchäschtli ussem Business. Er het do wesentlich meh Insiderwösse för euch zum abiete, jeah, mer generieret doch Mehrwert för euch 💪🏻😉Usserdem verzellt de Adi vom... ehm nütmache? Het bitz Flaute, chas geh, hingegege de Cornelius mol weder nume i de Arbet versinkt, er schient was besser (anderscht) zmache 😎Loset (oder besser lueged uf Youtube) inne und mer wönsched euch witerhin viel Spass und Erfolg bim Knipse!

Mer send immer no «on the road»! Domol im schöne Olte im IPFO Haus der Fotografie. Dete faht abem Samschtig de 24. Januar d'Usstellig vom Jens Krauer, meteme Best of vo sine 10 Johr Streetphotography ah. Mer hend de Moment grad gnutzt um eus metem Jens über sini Arbet, sini Inspiratione, sini Herangehenswies und allgemein öber Fotografie z'unterhalte. Dodebie send so einigi Anekdote und interessanti Moment as Liecht cho 😉 Und ja, sie send grad no am Ufbaue gsieh vo sinere Usstellig, es cha chli rumple bi de Ufnahme 🔨🚧⚒️Loset (oder lueged, eus gets au als Video-Podcast uf Youtube) inne und vor allem: bsuechet doch am Jens sini Usstellig und lönd euch inspiriere vo sine grossartige schwarzwiess Momentufnahme ussem urbane echte Lebe! 🌃Meh Infos zu de Usstellig: www.ipfo.ch

We are on the road 🚗💨Mer hend eus mol weder met Bruefskollege troffe, met denne chamer eifach so schön öber alli Sörgeli rede und sech guet ustusche. Aber isch das eigentlich immer so gsieh? Isches ned eher amigs eso dassmer schnell vo Fotograf:inne schräg agluet worde isch a Jöbs oder sogar ignoriert? Hender au scho so Erfahrige gmacht?Zum Glöck isch das nöm so wahnsinnig schlimm und s'Szene änderet sech i die richtig Richtig. Mer hend eus in Solothurn gnau zu dem Thema metem Roy und em Simon i erem Atelier 7 troffe. Beidi schaffet wie de Adi gröschteteils i de Gastronomie als Fotografe und mer hend denkt das passt doch grad zum öber Zämmearbet und Konkurenz z'rede. Es isch es spannends Gspröch wurde, loset dri und es het au es paar Tipps för euch drunder falls er mengisch au no Hemmige settet ha vo eusne Bruefskolleg:inne 😉

Es isch vollbracht, 2025 isch bald i de Büecher. Mer schwafflet i de letschte Folg vo im Bild Podcast nomol rechtig über die Erfahrige vom letschte Johr und lueged au nochli vorus. Und nei kei Angst, es isch eifach die letschti Folg vom 2025! Ned die letschti aller Folgen, nei, mer mached nämli witer und hend scho einiges vor nächscht Johr! Meh dezue i dere Folg. Ah ja apropo, mer mached ja kei halbi Sache und entwicklet eus ja emmer witer, und da mer ja no en Videospezialischt jetzte im Team hend hemer die Folg au weder uf Video ufgnoh! Und damal rechtig, so wies sech för eus khört! Kei halbi Sache.... de Seich isch dasmer das jetzte so witermache müend, jano, danke Robin! ;) Euch ganz en tolle Jahresabschluss und mer ghöret (und gsend) eus im nächste Johr!PS: Youtube Kanal folge!

Mer lieferet no e spannendi und vor allem sehr Zitaktuelli Folg noche, es isch au die letschti Folg in zämearbet metem IPFO 2025.Mer hend am IPFO Pro döffe en Roundtable füere met em zwar eher "schwere" aber ned minder wichtige Thema Urheberrecht. Do met debie send gsieh d'Annatina Menn selber Juristin und Expertin im Film- und Fernsehrecht sowie em Andreas Trampe Photo Editor und i dem Jahr no neu Mitarbeit im dütsche Fotorat. Am Andreas z'lieb isch de Roundtable in HOCHDEUTSCH ufgnoh wurde :) Tüend eu de schweri Juristischi Brocke doch ah, es isch zwar intensiv aber es lohnt sech.

Heyho liebi Hörer, mer redet mol endli weder öber Fotografie und euse Alltag!Mer hend de Zuekunftstag bim Cornelius duregfüert und d’Chance grad gnutzt e neui Alltagsfolg ufzneh. PS: welcome Robin offiziell im Podcast Team! PPS: Danke Sara för eusi tolli neui Website: www.imbildpodcast.ch Dur das es scho lang her isch… mehreri Mönet, Schande über uns… hemmer ned so detailiert über eusi Projekt gschwafflet sondern eher so Ereignis erwähnt. Und natürlich isch au einiges gloffe i de Industrie und deshalb gets en fette Part Businessnews!

Es führen viele Wege nach Rom… oder halt zu eusem Podcast 😜I dem Gspröch gahts Hauptsächlich umen Werdegang zur Fotografie, gnauer wiemer met verschiednige Usbeldige id Fotografie chund. Aber natürlich hemmer au en chline Hintergedanke kha metem Interview vom Robin, er isch nemli euses neuste Podcast Teammitglied und unterstützt eus neu i de Technik und em Schnitt! Juhui 🥳Das isch au grad sini erschti selber gschnittnigi Folg, also isch er allei Gschuld wenn was ned stimmt, ha er nimmt au grad gern jeglichi Kritik entgege unter [email protected] 😆Hey und no meh Schliechwerbig, eusi neui Website isch endli dusse! Danke Sara (Ehefrau vom Cornelius) för din Isatz. Mer fendet ja isch mega wurde! Und endlich gsehts au bitz professionell us 😎Aso nomol viel Spass met allne neue Sache und em spannende Interview metem Robin Baumann!

IPFO & Dan Winters isch e Liebesgschicht, eini wo er so zelebriert dasser versproche het er chund zu jeder Usgab wos no geh werd. Was för es Verspreche vo einem vo de grösste Bildermacher eusere Ziit! De Dan het sech met eus vorrem IPFO Publikum zämegsetzt zum echli öber sini Karriere, öber Erlebnis und Fails, öber psychischi Gsundheit und öber sini Art uf d‘Welt zluege z‘rede. Debie isch es spannends und persönlichs Gspröch entstande wommer euch ned wend vorenthalte. Am Schluss simmer de plötzli no zumene Rezeptpodcast wurde… Mer freued eus uf de Dan unds Chilli im Zelt am IPFO 2027! Vor dere Ufzeichnug hemmer no sini unglaublich spannendi National Geographic Doku über in und sis Lebe döffe alueg. Es lohnt sech die vor em Podcast azluege, du findsch sie uf Disney+.PS: Mer sammlet gern no euchi persönliche Chillirezept, chönd sie denn gern metem Dan teile 😉

Info: Podcast isch in Mundart bim Intro und nachere uf englisch!Hey mer send am IPFO (International Photo Festival Olten) und hend die unglaublichi ehr kha metem PLATON, eine vo de international bekantischte Portraitfotografe, chöne z‘plaudere… und plauderet hetter 😉 Über sini Ideal, sini Weltaaschauig, über Chriegsmacher und Chriegsopfer, analogi Fotografie (Adi hets ned chöne loh nochezfröge obwohl er gar ned so gern über Technik redet 😅) und Zuekonft vo eusere Branche. Unglaublich phylosophisch und inspirierend, losed dri!

Bald isches sowit, eis vo de gröschte Fotografie Highlights i de Schwiz findet weder statt, und zwar vom 20. August bis am 24. August 2025! d'Red isch vom IPFO, International Photo Festival Olten.Mer send stolzi Mediepartner vom IPFO met eusem Podcast und döffed au so einiges mache a dem Festival! Mer hend metem Remo Buess, eine vo de Mitbegründer vom IPFO (de ander Part isch niemert gringers als de Marco Grob) über s'kommende Festival und Highlights gredet. Userdem verzellemer was mer alles met eusem Podcast abdecket und was de Cornelius und de Adi no för spannendi Seminar döffed geh.Chömeder au? Jetzt unbedingt amelde und mer freued eus uf euch und spannendi Talks am IPFO 2025!www.ipfo.ch

Hey mer sends weder, damol ohni es Verspreche dasses bald weder ganz viel Material vo eus git (aber gliechwohl, hey eus gets no und es werd sicher weder Content geh 😅😜). Drum hemmer mol als chline Durstlöscher (bi dere Hitz ja nötig) e bombastisch langi Alltagsfolg parat! De Cornelius het sini Canon R5mkII mol weder sehr gern, aber doch au sini negative 😳(!) pönkt hervorghobe, wer hets denkt, aber unbedingt lose was er meint 😜 Und dezue hetter no es cools Portraitkonzept i de pipeline. Seg nume: „Liecht vo unde“De Adi het e Litanei abghalte, zemli was gloffe, aber loset doch selber dri, macht meh Sinn als ich do alles volltexte, isch ja e Podcast 😜 Chli Workflow Tipps und e Newsmoderation gets auno, Päcklirückblick döff ned fehle. Und ja de Adi summt jetzt statt brummt uf de Strasse 🚗🔋Danke förs folge und zuelose, viel Spass!

Gugus, mer hend mol weder e Alltagsfolg z‘standbrocht 💪🏻Das mol weder chli länger duured het (d‘Gründ nachhere) isch grad e sehr e langi wurde 😅Mer verzellet bitz was so gloffe isch, und de Cornelius macht druf ufmerksam was es cha bedüte wemmer erfolgrich sis Businessmodel änderet. Ja, er chönds euch vorstelle, gueti Gwünn aber au viel Arbet und chum Zit för Podcasting 🙃😜De Adi het au was gänderet, 2025 set ja schliesslich s‘Jahr vo de Veränderig sie (het irgendwer irgendwo mol gschribe 😆), chli es neus Blitzssystem und neui Täschene. Au chli philosophiere über s‘aktuelle KI Thema döff ned fehle 🤖 Villicht schaffemers ja weder chli meh zum Podcaste und danked eu förs durehebe und fliessige zuelose!

Happy new year euch allne! 🍾🥳 Guet, mer send au scho weder mitti Januar, mer wössed gar ned recht obs no erlaubt isch zum es «guets Neus» z'wünsche 😜 Aber: Mer zwoi hends emmel mol weder gschafft anezhöckle und zplaudere, so dasses grad e erschti Folg i dem Johr geh hed. Mer wend i dere sehr spontane Folg mol bitz retour luege ufs vergangene Johr, was eus bliebe isch und was mer mitnehmed um grad au en chline Usblick is 2025 z'wage. 🔮 Mer hoffed au ehr chönd echli was mitneh us eusere doch sehr au philosophische Usgab, seged nomol danke för's fliessige zuelose im 2024 und uf ganz viel spannende, interessanti und lehrrichi Moment im 2025! Es werd no einiges geh zum innelose i dem Johr, das versprechemer euch scho jetzte!

För eusi allererschti Live Ufnahm hemmer eus grad es emotional ufgladnigs Thema usgsuecht: Glichberechtigung i de Fotografie. Da mer aber au wend druff ufmerksahm mache und mer als Herre ned met de gliche Problem im Bruefsalltag konfrontiert werded, hemmer eus d'Gründerine vo SameKollektiv; (wo sech förd d'Sichtbarkeit vo Fotografinne* isetzt) d'Karin und d'Martina ufd Bühni am letschte Digitalevent gholt. Mer hend einiges zum diskutiere kha und au viel glernt, und mer hoffed mer chönd au met dere Ufnahm meh zur Glichberechtigung i eusem Bruefsalltag bieträge. Es isch eusi erschti Live Ufnahm gsieh und ganz bestimmt ned eusi letschti. Interessant isch au de Ustusch metem Publikum und mer freued eus euch bi de nächschte Live Ufzeichnig au im Publikum döffe z'begrüesse. Info: Es het zwoi technischi Fehler i de Ufnahm wo leider Persone bi erne Sätzt gschnitte send, mer send no am Fehler evaluiere und hoffed uf euches Verständnis. Do fendet ehr alli Infos zu Same Kollektiv: https://www.samekollektiv.ch

Mer hend mol weder e Alltagsfolg för euch parat. Viel isch passiert i letschter Zit, de Cornelius und de Adi send am schäfferle wie veruckt und ned nume gspüremer de Herbst (=Thema Hochnebel) sondern au vo Site Kamerahersteller isch do einiges gange. Viel Spass bim Itauche i euse Alltag.

Am letschte IPFO letscht Johr hemmer per Zuefall de "jungi Wildi" Levi Fitze kenneglernt. Er het dete scho vo sine grosse Ziel gredet, und es Johr spöter hemmer de Jungi ufstrebendi Wildlife-Fotograf döffe bi eus im Podcast begrüesse. Knackigi 20i und scho Sony Creator, selbstständig und sogar bald scho imene Kinofilm zsgseh, am Levi sini Formkurve zeigt steil nach obe! Wie er sini witeri Karriere gseht, was en a Tier fasziniert, ob grösser bi de Objektiv immer gleich besser isch und was den raui und glatti Füess met Huener ztue hend, all das erfahreder i dere Folg. Am Levi sini Website: www.levifitze.ch

d'Judith Erdin aka Streusel betriebt en erfolgrieche Bach-Blog, schriebt Bach-Büecher, macht Youtube Komedie, en Podcast... etc. En Tausendsasa isch sie, aber het ufgrund dem au bitz Idee zu Social Media und get eus zwoi Unerfahrene und euch es paar Inputs met uffe Weg! Unter anderem i dere Folg: Wieso de Cornelius ned bachet | Was de Adi und Judith gmeinsam hend | Was Kulinarik und Erotik zäme hend | Wieso mer so schnell de Fade verlürt | Dopamin | De Dieter P. wiese alte Mah | Cornelius sini Kommentaradrohig | Wie en Parkhusbsuech zu dem Gspröch gfüert het werd aso auno erklärt... usw. Viel Spass und Lacher wünschemer euch! Judith's Bachblog (metem Dinkel Hamburgebun Rezept!): www.streusel.ch Ihre Podcast metem Simon Balissat: https://open.spotify.com/show/5tk8MZyw9OcIcOwL9X4eJo?si=2e328967ad854607

Hello zäme, ja euse Podcast gets no... De Cornelius und de Adi send so im Zügs dasses jetzt chli länger gange isch bisses mol weder was för'd Ohre get. Aber hey, do isch sie, die neusti Folg "Usem Alltag". Völlig Uncut und au sehr lang, aber losed doch eifach inne, mer hend au kei Zit för e Aständigi Caption im Moment... 😜 Neurapix Link vom Cornelius: neurapix.corneliusfischer.ch Und do no d'Infos zum Digital Event: https://www.digitalevent.ch/programm/podcast-liveproduktion-20241019 Shopping Bag bei Brack.ch 20TB Seagate HDD för NAS --> https://www.brack.ch/seagate-harddisk-ironwolf-pro-3-5-sata-20-tb-1609999 5M USB-C Kabel vo onit förs Tethering --> https://www.brack.ch/onit-usb4-kabel-pro-usb-c-usb-c-5-m-1541215 Smarts USB-C Ladegrät för normali Akkus --> https://www.brack.ch/isdt-ladegeraet-c4-evo-smart-charger-fuer-rundzellen-1197719 Adis noi Hybrid Kamera vo Fuji --> https://www.brack.ch/fujifilm-fotokamera-x-h2s-body-schwarz-1391057

Wir suchen Unterstützung! Wer von euch lieben Hörer:innen kennt sich mit Adobe Audition aus möchte uns beim Schnitt unserer Folgen helfen? Da unser Podcast ein Freizeitprojekt ist, können wir leider keinen monetären Lohn anbieten. Dafür aber die Möglichkeit bei unseren Aufzeichnungen mit vor Ort zu sein und die Folgen super exklusiv vorweg schon zu hören. 🎧 Kennst du dich mit Adobe Audition aus und möchtest uns helfen zukünftig mehr Content bereitzustellen, dann melde dich per Mail bei uns unter [email protected] Danke tuusig!

Mer send weder do, de Cornelius vollbelade met Arbet und de Adi mengisch am schaffe und mengisch am gärtnere. De het sech no einiges to i de Branche, zum gfalle vom Adi gahts au im Analoge Bereich ziemli vorwärts. Und euse Podcast het sech zur Shopping-Queen erkore und ziemlich ge'brackt.ch, met hoffentlich guetem Ifluss för euchi Ohre.

Viel hemmer devo gredet, jetzt isch Sie do, eusi SABTA Folg! SABTA en Begriff wo de Adi em Cornelius biebrocht het und ussem Militär chund, bedütet soviel wie «Sicheres Auftreten Bei Totaler Ahnungslosigkeit» Wieso mer s'Gfühl hend das das immer brucht werd i eusem Bruef und wass mer scho alles för Fails erlebt hend wommer met SABTA grettet hend khöret er i dere zemli spassige Folg. Und ja au die Folg isch ziemli SABTA gsieh 😂

Netwörke oder ned Netwörke, das isch do d'Frog. Aso, zum die Frog chli gnauer azluege hemmer eus met em überall uf Fotografische Events aztreffende Marco Nietlisbach zämeto um bitz über s'Thema Network z'phylosophiere. Er meint ja er seg ned de rechtig deför, mer hend gfunde: mol, öpper wo fascht jede us de Branche kennt muess bi dem Thema as Mic, et voila, er het den au metgmacht 😆 För wer isch Network wichtig, was chan eim das för Töre öffne und wie sellmer den um himmels wille gschiede Smalltalk füere? Das und no meh ghöret er i dere neue Folg. Marco Nietlisbach: www.nietlisba.ch

April, April, oder nai es isch Mai... Witz lass nach, s'Wetter macht grad uf April obwohls doch Mai isch und net so Wechselhaft sett sie. Jano, mer verschiebed fliessig und müend demet lebe. Suscht verzellemer mol weder was so (oder ebe ned) gloffe isch. Fascht überhitzt isch übrigens am Adi sini Kamera... Usserdem gets einigi News uss de Branche vo Site Canon und Fuji. Apropo Fuji: De Adi het sech sogar mol no als Reviewer versuecht und för Brack.ch die neuei Fuji Instax Mini 99 usprobiert: https://www.brack.ch/blog/2024/05/die-neue-fujifilm-instax-mini-99-sofortbildkamera-im-test Übrigens metem Promo Code INSTAX99 chasch d'Kamera bi Brack.ch bitz günschtiger bstelle ;) (Gültig bis am 10.06.2024)

Work Life, Work Work, Life Life? Die rechtigi Balance do zfinde isch ned eifach. De Adi het sech dodezue is Soloturnische begeh und es spannends Gspröch metem Simon Kurt, wo zäme met sinere Frau de Tanja unter em Name Digitale Massarbeit unterwegs send, gfüert. Sie beid managed ire brueflichi Alltag met de gmeinsame Tochter Ella unglaublich guet, und de Adi isch dem chli uffe Grund gange. Well de Cornelius auno spannendi Asätz het zu dem Thema hett er denn au nochli döffe was derzue verzelle 😜 E spannendi und au lehrrichi Folg öber es grosses und au aktuells Thema bim Selbständig sie. Digitale Massarbeit: www.digitalemassarbeit.ch

Hu es lauft weder was, isch ja au guet so. De Podcast chund drum weder bitz drunder und ehr müend euch leider bitz gedulde met neue Folge, aber es chömed bald ganz spannendi neue Interviews. Nichtsdestotrotz hemmer jetzte au chli redebedarf, isch doch bitz was gloffe in letschter Zit. Und zwar vo Routineufträg bis zu verschissne Chappe 💩🕊️... doofi Tube... Und vor allem enere grosse Frog: Duze bi de Chunde oder ned? Het fascht en Disput geh zwösched em Cornelius und em Adi... 🥊 Wörd eus wunderneh was ehr devo haltet! Usserdem hemmer au trurigi News aber au ganz vell spannendi Neuigkeite. Losed doch dri 🎧

Eus gets no 😆 Sorry för de langi Unterbruch, de Cornelius het grad es bitz viel um d'Ohre, hauptsächlich wege Privatem 👷🏻‍♂️🔨🦺🏗️⚒️ Nichtsdestotrotz hemmer e neui Alltagsfolg parat för euch, schliesslich het de Adi sis Januarloch hinder sech und het weder fliessig was zverzelle vo Jobs und Kulturellem. Und au de Cornelius kriegts irgendwie no uf d'Reihe sis Studio bim Laufe zbhalte. Ergendwie redemer au mega vell vo Analogfotografie, de Adi het sogar no es neus Agebot, es Fotilabor wonner euchi Filme chönd entwickle loh. Achtung, isch bitz wie e Dauerwerbesendig wurde. Und ja, gshoppet hemmer au no wie die Wahnsinnige... Do no de Link zum Adi sim Fotilabor: www.ehrbare-filmentwicklung.ch

Kenned ehr das au, das berüemtberüchtigte Januarloch? De Adi irgendwie scho, de Cornelius grad so gar ned… Jano, jede vo eus weiss wie demet umgo. De Cornelius het sech no bimene KI Vortrag witers Fachwösse zuegleit, au wenn eher im Administrative Bereich. Und trotz (teils) Januarloch hend mer beid förs neue Jahr vorgsorgt und send es bitz inen Shoppingrusch bi brack.ch cho 🤑💸 ah und öber Moiré redemer auno 😵‍💫

Happy New Year! Oder passend zu eusem mundart Podcast «Es guets Neus!»🥂🍾🥳 Mer hoffed ehr send guet g'startet, und mer versüeset euch de Start grad met de Erste Folg i dem Johr. Und zwar luegemer mol zrugg uf das spannende Johr 2023, wo ja au s'Geburtsjohr vo dem Podcast isch gsieh. Was het eus berüert, was isch eus bliebe. Und de luegemer mol no id Kristallchuggle 🔮 (oder am Adi sini Glatze) und waaged en Usblick is neue Jahr 2024. Was chönt passiere, was send eusi Ziel? Mer freuet eus ufes spannends 2024 met euch und eusem Podcast, danke nomol för euchi Unterstützig! 💯

S'Jahr neigt sech am Endi zue, mer lueget no es letscht mol im 2023 uf euse intensivi Jahresabschluss zrugg. De Cornelius het sech irgendwie usseme Grund metem Analogfieber agsteckt, isch plötzlich en Occasionchamp wurde und het nochli Stress becho uf Johresendi. De Adi het sis Analogfieber professionalisiert und witergeh, sin Uftrag schlecht vorbereitet und ergend so en Hauptpries gwonne anere Vernissage. Mer wönsched euch viel Spass bim Zuelose und seged herzliche Dank für das tolle erschte Podcastjohr zäme. Schöni Festtäg und uf Bald! Cornelius und Adi

Mer send eus ja gwohnt eher de Luxus und's Schöne vom Lebe z'fotografiere. En ganz andere Weg isch de Berner Fotijournalischt Alex Kühni gange. Bereits mit viel Erfahrig us Kriesegebiet wie em Irak, Syrie und Nord Korea isch er au sit em Afang vom Agriffskrieg vo Russland mehrmals i de Ukraine gsieh und het det s'Graue vom Chrieg festghalte. Wie gaht mer met so vell Elend um? Wie bereitet mer sech uf so Situatione vor? Chamer no kreative Input metibrenge? Was isch wechtig bi de Usröschtig? All das luegemer metem Alex i dem spannende Interview ah. Em Alex sini Website: https://www.alexkuehni.com Podcast Empfählig zum Ukraine Chrieg (de isch au ufem Alex sinere Playlist) "Was tun, Herr General - Der Podcast zum Ukraine Krieg" https://open.spotify.com/show/5jWcQ7WNI61S9ufyKqEMbb?si=b7d4aabef9314247

Ok, mer sött eus ned so lang warte loh met neue Folge produziere, suscht werded die nume länger und länger... anyway, wiener wahrschindli merket hemmer einiges z'verzelle vo de letschte Tage. Es isch viel gloffe bim Cornelius, bim Adi mol weder nume d'Nase. Anschienend send au einigi Sache passiert i de Branche, Sony het do mol en "Game Changer" usebrocht, mer diskutieret heiss was das den gnau bedüted. Und bald isch de DigitalEvent in Bade, en ganze Tag voll met Fotografie. Mer send de natürlich au vor Ort! Ich hoffe mer gsend eus den live dete im Trafo in Bade.

Mer send am IPFO vo de Monika und em Mathias zu ene hei, im schöne Wildegg (AG), iglade worde um die spannendi Folg vom international bekannte und uszeichnete Fotografepaar (Mathias) Braschler/ (Monika) Fischer döffe ufzneh. Mer hend viel z'plaudere kha über Ihri spannendi Arbet im Usland🧳, Thema Klimawandel 🌍, Fernweh vo ehrem Sohn ✈️, wi Grossprojekt no funktionieret i de hötige Zit 💼, Analogfotografie 🎞️, und wieso en Beliechtigsmesser 💡 immer no wichtig isch. Website vo Braschler/Fischer: https://braschlerfischer.com/ (Me chan sie also au för Portraits bueche, eifach dassmers nomol erwähnt hend, ned nume Grossprojekt 😜) Üse Podcasttip zum Thema Klimawandel: Mission Klima, NDR https://www.ndr.de/nachrichten/info/podcast4696.html

Mer send retour us de Ferie und de Herbstpause. Sodemet mol weder viel zum verzelle, drum haltemer eus do churz, die Folg gaht eh scho gnueg lang ⏰ Viel Spass bim zuelose, schön sender weder met debie!

So viel neus gets z'brichte dassmer euch grad met fascht ere stündige neue Alltagsfolg beglücket ⏳ Z'erscht hemmer ganz viel erlebt bi eusne Jöbs, de Adi het en chline Flugunfall produziert ✈️, und de Cornelius het Portraits en Mase fotografiert 🙋‍♂️💁‍♀️ Und den gömer au no uf das heikle Thema Politikerportraits ih, aber kei Angst mer werded ned politisch👨‍⚖️ Und denn het Kameraindustrie no gfunde sie muess eus gluschtig mache met ganz vell Neuerige... 📷 Mer stönd churz vor de Herbstpause, drum teilet euch die Folg guet Ih 😉 Im Oktober gahts den witer, bis denn danke förs zuelose und witerverzelle. Euses Brack.ch Ichaufswägeli - DJI Mavic 3 Propeller - OM-System OM-1 Body - OM-System 2x Telekonverter - Peak Design Kameragurt

Mer send metem Mikrofon 🎤 in Olte am IPFO unterwegs gsieh und hend die Chance grad gnutzt um de aktuelli Puls 💗 vo de 📸 Fotografie z'gspühre. Wo drucket Sorge, wie gsemer eusi Zuekunft, was macht das viel erwähnte AI met eusem Bruef, wie gsend de au Usestehendi de Stellewert vo de Fotografie. Mer hend spannendi Stimme chöne fors Mikro hole und das ganze hendmer denn zäme diskutiert. E sehr spannendi Folg met top Ussagene und ere spannende Diskussion zu eusem so schöne Bruef (Chline Spoiler: es isch gar ned so negativ eusi Zuekonft 😉).

Mer hend die grossi Ehr kha met de Evgenia Arbugaeva, notabene e Oskar nomminierti Filmemacherin 🏆🎥 und international bekannti Reportagefotografin 📷 («National Geographic» und «The New Yorker») im Rahme vom IPFO döffe zrede. Sie verzellt eus (in Englisch) echli was vo erne Langzitprojekt in erere Heimat Sibirie 🥶, wie mer sech so fühlt als Academy Mitglied ⭐️ und wie schnell mer en Batteriesponsor chönt bruche 🪫 und was de Klimawandel met 100'00 Walrösser uf sech het 🦭. Lönd euch doch vo erne spanende Wort inspiriere, sie git au no es paar Tipps für euchi Karriere uffe Weg. Zum Oskar nomminierte Churzfilm: https://www.youtube.com/watch?v=8mKBZ9dy5fQ Do chönder eres Buech vorbstelle: - exlibris: https://www.exlibris.ch/de/buecher-buch/english-books/evgenia-arbugaeva/hyperborea/id/9780500026229 - Orell Füssli: https://www.orellfuessli.ch/shop/home/artikeldetails/A1068293892 - CeDe.ch: https://www.cede.ch/de/books/?id=176017656

Heiss, heisser am heissischte.. 🥵. Be dere Hetz send ned nor mer echli langsamer onterwägs, sonder au oisi Technik hanged es betzeli (sorry förd Ton-Problem). Währends de Cornelius wörkli ruhig gno het, esch de Adi mit buntem Liecht onterwägs gsi ond freut sech of es Zuesatzshooting, well gwössi Sporttrikots ned rächtziitig gleferent worde send. Euses Brack.ch Ichaufswägeli Kopfhörer DT770 Filter förd DJI Mavic 3 Classic

Sit jetzt scho 8 Johr findet all zwoi Johr in Olte s‘IPFO, oder korrekt International Photo Festival Olten, statt. Au i dem Johr wird vom 23. bis 27. August weder mit über 30 Speaker mit über 60 Seminar, Vorträg und Workshops Olte is schwizer Mekka vo de Fotografie verwandlet. Grund gnueg mit em Oltner Fotograf Remo Buess, notabene de Co-Initiator vom Festival, eimol öber‘s IPFO z‘rede. S‘vollständige Programm gits unter: https://www.ipfo.ch Em Remo sini Website: https://www.remobuess.com

🤖 AI (oder KI in Dütsch) isch in aller Munde. Die «Künstliche Intelligenz» sorg för Schlagziele und au bitz Ängscht. Send die aber überhaupt grechtfertigt, isch euse Bruef in Gfohr, oder isches eifach e grossi Chance zum de Workflow z'verbessere? Das alles findemer use i dere Spezialfolg. Dodezue hemmer damal au en Spezialischt iglade, de David Blum, und hend sis Wüsse gnutzt und en so rechtig met Froge belageret. (und nei, de Text isch net met Chat GPT erstellt worde...) Euse Gast: https://davidblum.ch

De Cornelius und de Adi send retour us de Sommerferie 😎 und ja das merkt mer villicht dere Folg au bitz ah 😆 nichtsdestotrotz gets weder einigi News us de Fotiwelt. Und wenner wend wösse wieso mer zwoi im August nach Olte (Olten SO) pilgered, losed doch inne. Event Highlight: 4. International Photofestival Olten 23.-27. August 2023 Eusi Audio-Usrüschtig: Røde PodMic⁠ Zoom PodTrak P4 Recorder Bemero Tischstativ Bemero XLR-Kabel  

Filter gets wie Sand am Meer, aber send den die überhaupt no Zitgmäss? Höt loht sech doch alles digital apasse i de Retusche, oder ebe doch ned? Luegemer alles ah i dere neue Themefolg, metem vom Cornelius ernannte «Filterguru Adi», de Adi möcht sech do jeglicher Verantwortig entneh und chund plötzlich met Hammer 🔨 und Vaseline 🧴 daher... was das wohl uf sech het? 😵‍💫

💰🤑 Money money money... Wenns nume so eifach wär. Was chani verlange för mini Arbet? Was isch erlaubt, was weniger? Minütele? Wieso Rabatt so toll isch aber irgendwie au doch nöd? Und wieso de Cornelius villicht bald en Lastwagelieferig bechund 🚛📖... Fragen über Fragen und vellecht es paar Antworte gets i dere neue Folg zum Thema Priesgstaltig.

Es isch heiss gsieh, mer hend gschwitzt 🥵 und leider ned de Muet kha met Birkestöck 🩴 z'schaffe. Viel diversi spannendi Ufträg hämer döffe umsetze und sogar chli Jobsharing betriebe. Denn send no ganz komischi Gadges uffe Märt cho, und au bitz g'shoppet hemmer. Cocktail 🍹 mache, id Hängematte 🏝️ ligge und die neuschti Folg gnüsse.

Die Usgab vo Usem Alltag het echli uf sich warte loh. Keis Wunder, beid send grad chli am schwümme. Ned wegem viele Rege, guet irgendwie ja doch au ☔️ uf jede fall gets einiges z'verzelle was so gloffe isch. De Adi staht mol weder im Stau bis zum abwinke 🚗 und de Cornelius het sin erschte grosse Schritt richtig Hollywood gmacht 🎬. Natürlich gemer au weder en Workflow Tipp und au viel Neuigkeite us de Fotografewelt. Viel Spass bim zuelose.

Es chund ebe doch uf'd Grössi ah... oder doch ned? 😉 I dere, ufgrond einiger persönlicher Emotionale Gründ und fachtechnische Usschweifige, mol weder chli längere Episode gömer ih uf die verschiedene Kamerasensore. Was för es Zahlewirrwar euch erwartet? Bruchts no Mittelformat? Was het de Adi den för es komischs «Problem» met de Fuji GFX? Und wieso isch das cheibe rote Bühneliecht so ecklig bim fotografiere? All das und no viel viel meh gets i dere Folg, viel Spass.

Workflow isch es grosses Thema bi eus Fotograf:inne. Drum hemer gfunde mer mached grad e grossi Folg dodezue. Wie fescht isch echt am Adi sini Vorbereitig uffen Uftrag dureplanet, wieso send am Cornelius sini Akkus agschrebe, wie verschickt mer effizient Bilder a Chunde, wieso malt mer sech e vier metrigi Magentwand is Studio? Viel Spass bi de bisher längschte Folg (vo wege Workflow optimierig...😉).

De Adi het es dureplants Shooting kha, isch zwoimol im Stau gstande wärend de Cornelius in Irland Ferie gnosse het. De perfekt Zitpunkt um mol öber euse Ferie-Kamera-Rucksack z’plaudere 📸 Das und no viel meh gets i de hötige Folg «Ussem Alltag».