OHNI VORWARNIG

SCHÖN händer eus vermisst! Hüt wieder, und zwar fast live, us Winti - zwüsche Todesfäll, Ferie und Beerdigunge. Vor allem aber gahts ums Esse, oder wie man so schön sagt, um die Wurst: d'Luana het de Vegi trotz Versuechig durezoge, d'Marie nöd, aber d'Idee blibt guet und Trüffel isch ja zum Glück vegetarisch. Gnauso wie Chäs, fake Cedric-Grolet-Frücht und Tiktok-Glacé. Carbonara-Croissant blibt bitz fragwürdig, genauso wie nasty Febo us Amsti und de Luana ihri exzessiv Thunfisch-Sucht. Aber bald isch sie eh gfange ufere einsame Insle (hoffentlich!) mit ihrem Zuekünftige, wo sie erotisch us ihrem emotionale Zwieble-look pellt. Physisch muess sie de Look jetzt aber erst no lerne, und zwar in Dublin. Über Hotness vo Poliziste laht sich striite, über die deutsche Bahn definitiv nöd. Aber säget ehrlich: Hoodie mit oder ohni Liibli drunder?

Grusig esse, unpflegti Zäh, ohni Punkt und Komma schnurre: all das git de Luana en Ick in Sachen Dating. Wenn also bi ihre willsch lande, hältsch am besten einfach das Maul – oder bringsch Aprikose und Benjamin-Blümchen-Torte, aber ohni Analsex-Erwartig. Vermuetli hesch eh kei Chance, will d'Marie gaslightet sie fliissig ine philippinischi McDonalds-Hochziit, will en Geburtstag het ja nöd glanget. Dennoch: Selbst ist die Frau, wenns um es Himmelbett gaht. Vorusgsetzt d'Softice-Maschine isch nöd kaputt. Das döfemer au nächst Wuche esse, wo mer en Vegi-Versuech startet – wege umemachende Tuube. Und wenn denn de Shitstorm denn doch no chunnt, sei gewiss: d'Marie hockt im Dschungelcamp und d'Luana wird sowieso berüehmt, solang de Ultraschall wiiterhin guet usgseht.

Leute mir sägets wies isch: S'Läbe isch astrengend und macht müed, vor allem wenn bald 34i bisch und 100 Prozent musch schaffe (gahts no?!). Aber irgendwo zwüsche Fitnessvorsätz und 17 Magerquark läbt es sich denn glich relativ guet, vor allem mit Ussicht uf Köfte Köfte und es Dreamdate ide Metzgerei. Sogar Campe ligt drin, nur nöd im Zelt, will det chasch nüt gwünne. Und während d'Marie eu mit Zmittag zum mitneh langwiilt, packt d'Luana de Ragebait über Tennis und Golfe us. Aber: mir lönd eus gern eines besseren belehren und eus uf de Golfplatz ilade, vorusgsetzt Daydrinking is included. Bis det ane het d'Marie au de Luana ihri Fuessnägel gschnitte und vilicht sogar ihri Hobbitfüess rasiert, und der Anus isch denn definitiv au frisch gebräunt. Und falls mir abseget, denn wege Mental Health – oder will d'Marie sowohl tot, als au miteme brochene Arm usgwanderet isch für die gross Liebi – oder wege Steuerbetrug. Praise the Fleischchääääs!!!!

Die hüttig Folg findet imene spezielle Rahme statt – und zwar nöd nur, will de Marie ihre hungry ass japanischi Nudelsuppe heroisiert. Nacheme lemonsqueezy iistig über verpassti Haltestelle und Hochziits-Gsang vode Luana, widmemer eus amene Thema, wo aktuell wieder omnipräsent isch: Gwalt gege Fraue. Triggerwarnig a dere Stell! D'Marie chunt nöd nur mit Zahle, sondern mir verzellet vo persönliche Gschichte und no persönlichere Meinige, vo Wuet, Trurigkeit, Angst – aber au vo Hoffnig und Wünsch. Usnahmswiis mal nöd ganz eso lustig, defür umso ehrlicher und vor allem sehr sehr wichtig. Also falls dir das aktuell nöd magsch geh, mega ok. Und wenn Unterstützig bruchsch, mir sind da. Will mir all bruchet sie – vor allem vo Männer wo verstönd, wie stark Feminismus chan sii, wenn sie ihn lebet. Also bliibet hässig und sind lieb mitenand, ihr Süesse. Du weisch nöd, mit wem rede? D'Opferhilf Schwiiz het mehreri Agebot, under anderem d'Hotline 116 016. Unter https://www.opferhilfe-schweiz.ch/de/wo-finde-ich-hilfe/ findsch du pro Kanton verschiedeni Alaufstelle. Stay safe!💕Podcast-Empfehlige: Sophie Passmann: U wie Unschuldsvermutung Salwa Houmsi: ES REICHT! Der Fall Christian Ulmen

Welcome back to Ohni Vorwarnig – oder Kaulitz Hills 2.0! D'Luana gsehnder demnächst im Fischers Fritz am bestfriende mitem Bill . Uf Bern döf d'Marie denn aber au wieder mitcho (apropos: wo, wie, was??)Falls es mit de Fernsehkarriere nöd klappt, blibt eus uf jede Fall de Traum als Hochziitsplanerin oder Detektiv – oder mir diskutieret, schniidet Haar und füllet Wassergläser.Hauptsach nöd müesse shoppe oder talentierti Chinder gse, usser sie wänd eus zueluege bim grusig Zähputze, unhygienisch sii und Sockelöcher ignoriere – oder sie hend herzigi Spinneli mit Näme wie "Pfupf".Und falls ihr d'Luana mal oben ohne ufem Balkon entdecket, bringet selbergmachts Ciabatta-Brot, kaufte Cheesecake oder machet eus en Jingle.Btw: mir sind jetzt au uf Apple Podcast und Youtube. TECHNOLOGIA!!!

Es wurde recherchiert! Bevor ihr aber die wichtigst Gschicht ghöret, münd ihr eu no schnell alose, wenn und wie sich d'Luana s'letztmal (hoffentlich) id Hose gschisse het.Danach gahts hurti zum Ursprung vom Bier und let us tell you: Frauen haben es zuerst gebraut. Und sind später deswege teilwis au verbrennt worde. Hex hex! Mir hettet guet i die Zit inepasst, will det hets no kei Technik geh und für eus also au kein Grund zum hässig si. Aber d'Luana macht aktuell eh nüt hässiger als de Song Papaoutai underemne glückliche Reel gseh und au d'Marie het ihri Gründ, ellei im Auto de Radio aschreie oder stampfend im Bett ligge. Aber hey, defür het sie gueti Haar trotz nicht ausgewaschenem Schampoo und isch ned imne Lade igsperrt gsi, wie d'Luana chürzlich. Mir händ aber en Lösig für alli Wuet, und au eui: Lönd sie eifach am Dino use. DÄMLICHDINO FIGGDI!

Sorry a all wo K.I.Z. oder Konzert-Reviews hasset — will, here we go mit eusem Fangirl-Moment. Aber Berlin isch meh als nur Frauekonzert und Frauekonzert isch vor allem meh als nur Ballerinamänner. Weltfrauentag hat gefetzt mit Glitzer, Girlhood und geiler Mucke. Nüt gege Heavy Metal und merk dir, falls d'Marie wetsch loswerde spill eifach Drum'n'Bass und falls no e Türsteherin bruchsch, d'Luana isch bereits geübt. Berghain bruchts nöd unbedingt und sust stare off mit Svennyboy trotz weissen Sneakers — denn aber doch lieber Köfte Köfte und Döner am 3 am Morge. Demnächst denn Skipiste statt Berlin Tag&Nacht, au zu Schlager wenns muss si. Und falls du DJ bisch meld di bide Luana, falls de DJ Ötzi bisch bide Marie und wenn DJ Bobo bisch denn bö. Free Britney!!!

D'Marie findsch a jedere Hundsverlochete, wo sie vermuetlich Männer wegknödlet, bestefalls in Dessous wie ade Swissdinner-Watchparty. Bald denn au so ide Kronehalle, aber nöd d'Marie, sondern d'Luana und de Hafti, wo gmeinsam über d'Marie lästeret während die mitem Maxim s'Zölibat bricht. So oder so, danke für all eui Liebi (wüki!!!) au vom Peter - und schön, sinder mit debi! Im negste Lebe simmer denn adipösi Chatze und Hünd, oder halt Panda und Honigdachs, hauptsach lieber Huso als nervig und irgendwo zwüsche super healthy und Mülleimer. D'Luana nimmt ihres Sandwich bitte ungetoasted und zwüsche Underhose und Vagina entdeckemer eusi versteckte Talent, imene Jahr denn au mit Spagat usem Sprung und Zaubertrick-Ilag. Falls das nöd klappt denn halt Shaolinkämpfer in China, solang mir nöd im Knast landet. Oder SBB Kontrolleur, das isch ja offebar kriminell gnueg. Consensual Hiiwis: De Hafti het die Folg vor eu glost und zuegstimmt.

Mir startet miteme grosse Talk über d'Liebi zu Fraue und wie mir euse weg zum Girls-Girl hend müesse finde: Nicht verzagen, nach OB fragen! I weles südamerikanische Land mir nächst Jahr reised, luegemer no ah – de Brüeder vom Bad Bunny sött sich uf jede fall warm alegge.D'Marie verzellt vode Swissdinner Ufnahme und devo, wie sie die Wuche nöd in Sport, defür aber steil gange isch inkl. paarmal Bode küsse und Hangover des Todes. Aber no spiraling over here, es ist alles gut! Mir appreciated uf jede Fall chlini und grossi Brüst genau glich. Und dementsprechend isch d'Monstertitte aka Titten-Barra ganz sicher, das Jahr klappts mit de Liebi. Er chunt zwar nöd us Wald, und de Cro wirds au nur imene andere Läbe – aber bis de richtig denn endli um de Egge chunt, holt sie sich eifach Blueme ide Langstrass ab.

Da het sich d'Marie wohl es bitzli zfrüeh gfreut und isch ganz schnell vom höche Ross is thailändische Polizeiauto gheit zum e Verfolgigsjagd uf sich neh - aber dur die rosarot Brülle gseht das alles halb so schlimm us. Defür het d'Luana ide Zwüschezit de richtig gfunde (also Job). Bide Männer laufts nämmli immer no glich, heisst: sie trifft uf Geister us de Vergangeheit. Mir sind jedefalls wieder deep im chalte Züri acho und gänd Bodycount-Statements, redet über Fuckboys und Zürischnee, machet chli Solarium-Girlmath und träumet vo blüehende Blueme. Aber bis de Früehlig endlich da isch, gsämmer eus a eusem Girldate in Bern. Usser dich Peter, für dich haben wir keinen Donut. Slay!

Nacheme vermeintlich alkoholfreie Abig in Samui, knatternde Fürz, Flecke am Arsch und emne Babyfreeze hets eus zum letzte Stopp uf Koh Phangan verschlage - wod Adventure Lulu zude knutschende Lulu mutiert isch, sich erneut paar Mal verliebt het und nöd nur eimal en Fangirl-Moment gha het. Letzlich ghört all eusi Liebi sowieso am Otto, wo eus au in chalte Zürcher Nächt in Erinnerig blibe wird. D'Marie gnüsst etz aber no e - hoffentlich friedlichi - Wuche ide Wahlheimat. In diesem Sinne: A Domani, oder wie de Gianluca wür säge, see you in Bangecocke!

Thailand het en new Charakter unlocked: d'Adventure Lulu brettert mitem Töffli über d'Insle und gaht go tauche, während d'Marie wiedermal ganz knapp em Knast entchunnt. Hauptsach det hets kei Models, will die werdet ned aglangt. Grosses Ja aber zu Pferdebilder und zum Thaddäus – en wiitere weirde Crush uf de Liste. Jetzt werden aber erst Mal die frisch gewaxten Pawianärsche gebräunt und liebe Grüsse von unter dem Stein geschickt. Und ah ja, RIP Spongebob!

Sawasdee-ka Freunde! Die Hannelores begrüssen euch aus Bangkok – mental irgendwo zwüsche Fiebertraum und Schlafwandel. Thailand fetzt top, s Buffet-Boot nöd, aber hauptsach de Shrimps gahts guet und all haltet sich ah eusi internationale ÖV-Regle. Mir münd etz aber schowider los ad Fullmoon Party, will de Luana ihri Insel-Romanze wartet. Und während mir eus dur de negst 7-Eleven kämpfet und Adilette rocket, vergesset nöd: Lönd de Marie am Morge unbedingt ihri 40 Minute, schenket meh Blueme und WAKA WAKA EH EH!

Sport ist Mord, aber we do it for the Thailand-Body gell. Det simmer nämli ab nächster Wuche und – obacht –d'Luana gaht ufd Pirsch, nachdems mit ihrere imaginäre Büro-Lovestory und ihrem Statistekolleg nöd klappt het. Nach Sexpartys, Thai-Spanking und Live-Ghosting freuemer eus vor allem ufs KIZ Frauekonzert in good old Berlin – und die liebi ReggaeTon_L0ciTa isch scho jetzt gspanne, ob sie ihri grossi Liebi zwüsche 17'000 wiibliche Deutschrapfans findet. Oder doch lieber de Apache? So oder so: sind lieb und catfished nöd, usser es isch us Rache.

Es gaht um Körperkontakt. Vill Körperkontakt. Aber nöd so wie du meinsch! Es gaht um erregendi und zämeklappendi Massage, Umarmige und drü Küssli Regle – und wenn mir scho bi Regle sind, denn erfahreder spötistens jetzt, wieso d'Marie ganz klar en Schwiizerpass verdient hetti und mer de Luana sött de Wischmopp wegneh. Mir diskutieret über die perfekti McDonalds-Bstellig und ihr erfahret was es brucht, zum bide Marie lande (Spoiler: nöd vill).

Salve Bitches! Genauso wie Mutter Ikkimel begrüesset au mir eu mit wärmendem Herz im frostige Januar. Mir versüesset eu de Tag mit Chicken Nuggets, Müettere, Beerpong und Puerto Rico. D'Marie verzellt vo ihrem verhängnissvolle Dessouskauf und erklärt, wieso ab jetzt vermuetlich niemer meh döf Getränk mit id Läde neh. Und d'Luana het paar Geister us de Vergangeheit troffe, wo ihre Backflashes in punkto Liebeslebe gebet. Und wer nach wie vor uf de Suechi isch und sis Liebesglück online suecht; mit "Daddy" hesch gueti Chance, zumindest wenn mer de Marie glaubt.

Nöd nur s2025 wird verabschiedet, sondern au sHuus vo Maries Oma und Luanas Obsession mit Dütschrap. Während mir eusne (bitz gewalttätige) intrusive thoughts freie Lauf lönd, redemer über die schwindendi Magie vo Wiehnachte, grossi Familie, rappendi Obdachlosi und hoffentlich neui Liebene. D'Luana manifestiert fürs 2026 nämlich ihri Hot Summer Love – und d'Marie verchauft vilicht bald ihri Confi. Stay tuned!

Öper meh als zwei Persone im Bett git nöd unbedingt grad en 3er – und nassi Bettwösch bedütet nöd automatisch das öper is Bett bislet het. Die Wuche wirds chli spicy mit villne erste Mal. Cancelle tüemmer hüt nur Esse und Trinke, und während eu zu eusne Orgasmusgschichte warm ums Herz wird, chönder eu vorstelle, wele Harry Potter Charakter die grösste Chance bide Marie hetti, wenn er sie ide OleOle Bar wür ufen Drink ilade.

Achtung, es git Nachbarschafts-Gossip aus dem Hause Luana, wo vor churzem i ihrem Haftbefehl-Bademantel het müesse de Ambulanz alüte. Und ihr erfahret, wieso d’Marie in Dütschland nüm dörf Auto fahre, sie en höhere Sinn suecht und unter anderem s’Gfühl het, dass ihre Gsäss-Knoche deformiert isch. Natürlich isch de Luana ihri Arbeitslosigkeit au wieder es Thema und mir sind zum Schluss cho, dass Jobsuechi gar ned wit entfernt vom Verhalten eines Fuckboys isch.

Herzlich willkomme zu eusem Podcast, wo de Name Programm isch (sorry für das Sprichwort, aber eimal dörfemers bruche). Mir gönd direkt dri und präsentieret euch eusi neu Büsney-Idee, weil wir brauchen Geld. Glichzitig verratet euch d’Marie ihre neu Gheimtipp für fettigi Haar und d’Luana verzellt, werum sie sich im Summer schämt. Es gaht um relativ viel Körperflüssigkeite, ufgwärmti Liebschafte, Neusportlichkeit und alkoholfreis Bier – und drum, warum mir vom liebe Herr im Himmel benachteiligt werdet.Los dri und lass Liebi da.