Plapper Pingus

Zum erste mal gits i dere Folg en eigeti BIDA-Gschicht vo de Charly. Was meint echt d Lisa dezue? Finds im Podcast use!Mengisch müend gueti Sache z End gah, demits Platz für neus schafft und genau um das gahts i dere Folg.

Hokus Pokus oder es Tool wo eim hilft, s Chaos im Chopf z entwirre? Mir lueged i de hütuge Folg ah, was genau Tarot isch und wies funktioniert. Zum en Ihdruck z becho bechömeder sogar no en Legig für z Kollektiv, wo euch vlt inere jetztige Situation cha de Weg leite!

Sternzeiche, Aszendent, Mond. Wieso glaubed Mensche an Astrologie? Und wieso gits Vorurteil unter de verschiedene Sternzeiche? Was het d Gen Z demit ztue? All das bespreched d Plapper Pingus für euch i dere Folg!

Wert und Norme wenns um de Umgang mit anderne Mensche gaht, Wucheplan und meh bespreched d Plapper Pingus i dere Folg!

Fahrgäst wo im Ruehbereich lut sind wegschicke oder ned? Dere Frag stelled sich d Plapper Pingus i dere Folg!

Wie isches für eus als Fraue i de Gaming- und Streamingwelt aktiv zsi? D Plapper Pingus teiled euch jetzt es paar ihblick ih ihres “Daily Business”.

D Plapper Pingus beantwortet euchi Frage und philosophiered über s Lebe - bisch ready teil devo z si?

Plapper Pingus und Hochzeit! 💍 Ufgrund vo verschiednige Events wo privat bi de Plapper Pingus stattfindet, chömer leider ned rechtzitig Podcast-Folge ufneh. Mir hend eus drum entschiede, euch bis zum 06.05.2024 über TikTok-Lives & Insta-Story’s uf @plapper.pingus mitznäh.  Nach eusere chline Podcast-Pause simmer de wieder mit neue Stories am Start, zum euchi Wuche z versüesse.I dere Zyt heimer euch eusi aktuelle Podcast-Empfehlige und Netflix-Goodies ready gmacht! Losed vorallem mal bi de Celine unter @zaeme.stark ine. 🤝🏼 Es grosses Dankeschön au euse Intro-Ersatz @fliptastisch und @twitch.nanox04 ihr hend das super gmeistered 😎

Veganismus, Influencer & co. D Lisa und Charly plappered über ihri Meinige zu verschiedene Themene!

Was macht das Ei, wenn es auf den Osterhasen trifft? Es wirft sich in Schale! Passend zu Ostere heimer für euch es chlises Oster-Special vorbereitet! Es geit nit nur um en kontroversi Oster-Gschicht, sondern mir hend für euch es saftigs Ass (oder sellemer gschider Osternestli sege?) im Ärmel! Ihr hend jetzt d Möglichkeit ah de Verlosig teilznäh! Alli wichtige Infos zu de Verlosig, gfindeter uf eusem Insta-Account im neuste Bitrag zu de Folg #5! Z Gschenklii blibt natürlich es Mysterium - De Osterhaas verratet nie sini Gheimnis. Viel Spass & Erfolg! IG: plapper.pingus

Knigge, Benimmregle, Tischkultur, Ahstand oder wie au immer das wottsch nenne - i dere Folg gahts um en eher lustigi Gschicht & eusi Erfahrige mit dem Thema!

Was isch, wenn din Partner oder dini Partnerin hinter dim Rugge schlecht über dich redet? Ih dere Folg gahts genau um das! D Lisa und Charly, redet über en unglaublichi Gschicht, wo sie total entsetzt.

Euse ersti Gast bespricht mit eus es unglaublich wichtigs Thema, wo eim möglicherwis im Verlauf vom Lebe scho begegnet isch. TRIGGERWARNIG - Depressione, Selbstverletzig und Suizidalität chund i dere Folg vor. Wenn du das aktuell gad nid vertreihsch, empfehlemer dir, nächst Mäntig wieder ihzschalte. HILFEHOTLINES: 147 (Pro Juventute) für Kinder, Jugendlichi und jungi Erwachseni | 143 (Dargebotene Hand) für alli andere.

Fründschafte, Ängst, Büsis, Reise, und nostalgischi Moment - All das begleitet euch dur die ersti Podcastfolg. Begebed euch ufd Gedankeflüg vo de Plapper Pingus!

NOOT NOOT! Plapper Pingus, aka Lisa und Charly stelled sich vor!