Rand en sent

Jody Hendricks kyk na die finansiële aspekte waarmee ma’s sukkel in die tawwe ekonomiese tye.

Baie Suid-Afrikaners sukkel om met die stygende lewenskoste by te bly. ‘n Salaris is eenvoudig nie meer genoeg nie. Jody Hendricks praat met ‘n finansiële adviseur oor hoe om jou inkomste te diversifiseer.

Omelia Hartzenberg van die Pensioenfonds vir Staatsamptenare praat oor bedrog, en wat jy kan doen as jy vermoed dat iemand bedrog pleeg. En Carla Oberholzer van Debtsafe gee wenke om die feesseisoen te oorleef, betekenisvolle geskenke te gee, en te bespaar op jou kersinkopies.

Olivia Sambo praat met Omelia Hartzenberg van die Pensioenfonds vir Staatsamptenare oor normale en vroeë pensioen. Sy verduidelik hoeveel van jou pensioenfonds jy kan verloor as jy met vroeë pensioen gaan, en wat jou opsies is. En Walter van der Merwe van Fedgroup Life praat oor fooie en beleggings, en verduidelik hoe die berekeninge werk.

Louis Fourie van Okandivi Properties Franchise praat oor sy passie en liefde vir eiendom. Hy gee raad oor hoe jy die beste rentekoers kan kry wanneer jy aansoek doen vir 'n huislening, en hoe jy moet onderhandel om die beste prys te kry as koper en verkoper. En as jy gewonder het of jy jou droomhuis moet bou, of 'n bestaande huis moet koop, het hy ook raad. En Richus Nel van PSG Wealth praat oor die belangrikheid van finansiële beplanning, en hoe jy jou geldsake in orde kan kry as jy nie professionele dienste kan bekostig nie.

West Hendriks van Gauteng North Obstacle Race Course vertel hoe jy jou welstand en gesondheid 'n hupstoot gee deur in jou liggaam te belê. En Elsèbe Koorsen van Luxebox praat oor haar passie vir plaaslike produkte. Sy gee ook wenke vir die bemarking van klein ondernemings wat aanlyn meer sigbaar wil wees.

Olivia Sambo doen 'n samevatting van al die voordele van die Werkloosheidversekeringsfonds. Daar word sterk fokus gelê op die verskeie soorte dokumentasie wat nodig is wanneer jy vir die verskillende voordele aansoek doen. Anta de Korte en Isaac Mogorosi van die Departement van Arbeid deel al hierdie inligting en nog meer.

Olivia Sambo praat met Anta de Korte en Isaac Mogorosi van die Departement van Arbeid oor hoe jy kan eis wanneer jy 'n kind aanneem. 'n Finansiële kenner gee wenke oor hoe om die regte finansiële adviseur te identifiseer.

Olivia Sambo praat met Anta de Korte en Isaac Mogorosi van die Departement van Arbeid oor wat jy kan doen om te eis as jy weens siekte nie meer kan werk nie. 'n Kenner deel ook inligting oor hoe die gebrek aan veiligheid in die werksplek kan lei tot ernstige beserings aan diens, en hoe sowel werkers as werkgewers kan baat vind by 'n veiliger werksomgewing.

Kenners verduidelik hoe kraamvoordele van die Werkloosheidversekeringsfonds geëis kan word. Hulle verduidelik stap vir stap watter dokumente nodig is, sodat eise vinnniger uitbetaal kan word. 'n Deskundige in die Mensehulpbronbedryf gee raad oor wat jy kan doen om jou kanse te verbeter om 'n werk te kry.

'n Kenner verduidelik hoe mens met aandele kan begin “speel”. En 'n skuldkenner gee nuttige wenke oor hoe om van skuld ontslae te raak, en waaraan jy moet dink voordat jy skuld maak.

Hoe kan jongmense wat pas begin werk het, en vir die eerste keer na hulle eie fiansies moet omsien, begin spaar? Die moets en moenies wanneer jy jou finansiële adviseur kies, en die mees algemene vraag van beleggers aan 'n finansiële beplanner.

Die laaste van 'n reeks van vier gesprekke oor die vrou se plek in die Vierdie Nywerheidsrewolusie handel oor hoe vroue hulleself kan bemagtig vir 'n suksesvolle beroepslewe. Kenners praat weer oor verskillende geldpersoonlikhede, en hoe kennis hieroor jou kan help om die hantering van jou eie finansies, asook die van jou lewensmaat, beter te verstaan.

Die derde van 'n reeks van vier gesprekke oor die vrou se plek in die Vierde Nywerheidsrewolusie handel oor verdere faktore wat vroue terughou in die ekonomie. 'n Kenner verduidelik ook hoe ons geld uitgee op belastingheffings waarvan ons nie eens bewus is nie, en hoe ons hierop kan bespaar.

Die laaste gesprek in die reeks oor aftredebepanning handel oor boedelbeplanning. Dis iets wat jy eintlik al moet doen sodra jy begin bates versamel. Daar is ook nuus oor belastingtoepassings om jou belastinginligting makliker bymekaar te maak.

Die derde van vier gesprekke oor aftredebeplanning handel oor “Beplanning NÁ aftrede”. 'n Finansiële beplanner verduidelik ook wat die verband is tussen fietsry, finansies en goeie beleggings.

Sien só om na jou werknemers se emosionele en liggaamlike welstand vir beter produktiwiteit - 'n kundige deel statistiek en gee raad, en 'n TV-vervaardiger verduidelik hoe hulle hulle personeel emosioneel ondersteun. En daar is nuus oor debietorderbedrog en nuwe maniere om dit die hoof te bied.

Skuld is die onderwerp in die vyfde en voorlaaste gesprek in die reeks oor finansiële geletterdheid. En 'n kenner van tegnologie praat oor maklike, nuwe en veilige maniere vir kleinsake-ondernemings om betalings te ontvang.

'n Skuldkenner en entrepreneur, wat ook 'n motiveringspreker en finansiële kenner is, gee raad, en 'n model waarvolgens ons ons geldsake vir die nuwe jaar kan beplan.

In die tweede gesprek in 'n reeks oor aftrede, gee 'n finansiële kenner wenke aan enkellopende vroue en enkelma's. 'n Arbeidsregkenner praat oor die moets en moenies wanneer jy jou CV opstel. En 'n entrepreneur gesels oor die regte manier om sosiale media in jou sake-onderneming te gebruik.

'n Jong entrepreneur wat benoemings ontvang het as vrou van die jaar en verskilmaker van die jaar, vertel van die moeilike pad wat sy moes stap om haar eie onderneming te begin. Sy deel ook wenke met voornemende sake-eienaars. En 'n sakekenner praat oor skuld en klein- en mediumsakeondernemings.

'n Luisteraar deel haar ervaring met spaar met 'n stokvel. 'n Kenner kyk na risikoversekering, ook bekend as ongeskiktheidsdekking. En jy kan weer luister na 'n gesprek oor die voor- en nadele van die skep van 'n trust.

'n Verbruikerskonsultant gee wenke oor hoe om die regte bank vir jou te kies waar jy goeie diens sal kry, jou geld veilig is en waar jy die meeste op bankfooie kan spaar. 'n Kundige deel ook interessante navorsing oor die verwantskap tussen jou gesondheid en jou geldsake en daar is nuus oor minimumlone vir 2018.

Die AA gee wenke om te verseker jou motor in 'n goeie toestand is voor jy met vakansie gaan sodat jy nie net geld nie, maar ook lewens kan spaar. Daar is ook versekeringswenke voordat jy die vakansie 'n boot, karavaan of sleepwa sleep. En 'n koskenner verduidelik hoe jy ekonomies, maar lekker kan eet in die Kersseisoen.

'n Skuldkenner gee wenke oor hoe om meer ekonomies Kersfees te vier. 'n Sakekenner praat oor uitbranding by entrepreneurs, hoekom dit voorkom, die nadele daarvan en hoe dit voorkom kan word.

'n Versekeraar gee wenke om op jou korttermynversekering te bespaar. 'n Skuldkenner het ook wenke om jou kontantvloei te verbeter, en 'n prokureur praat oor data-integriteit en hoe jy jouself en jou sake-onderneming teen data-boewe moet beskerm.

'n Skuldkenner gee wenke hoe jy kan bespaar op jou kruideniersrekening. 'n Finansiële kenner verduidelik wat die verskil is tussen 'n makelaar, 'n finansiële adviseur en 'n onafhanklike en afhanklike finansiële beplanner. Hy verduidelik ook wat nuwe wetgewing hieroor behels, en hoe dit ons as verbruikers kan beskerm.

'n Finansiële raadgewer beantwoord 'n luisteraarsvraag oor begrafnisboekies en begrafnispolisse; En ter afsluiting van die reeks oor die vier pilare waarop die sukses van 'n sake-onderneming berus, kyk entrepreneur Delphine van Wyk na bemarking.

Die Vereniging vir Spaar en Belegging Suid-Afrika (ASISA) het 'n nuwe standaard gestel waarvolgens die koste van verskillende beleggingsprodukte binnekort maklik vergelyk sal kan word. Hoor hoe dít jóú sal help met jou beleggingskeuses. 'n Kenner van entrepreneurskap gee ook basiese wenke oor wat jy móet weet voordat jy sommer net spring om jou eie sake-onderneming te begin.

Wil jy seker maak dat jou sake-onderneming in die regte hande beland en tot die voordeel van jou werknemers en erfgename bestuur word indien jy iets sou oorkom? En weet jy waarop jy alles geregtig is onder die voorgeskrewe minimum voordele op jou mediese fonds?

Rand en sent 1 Maart 2015

Rand en sent 22 Februarie 2015

Rand en sent 15 Februarie 2015

Rand en sent 8 Februarie 2015

Rand en sent 1 Februarie 2015

Rand en sent 25 Januarie 2015

Rand en sent 18 Januarie 2015

Rand en sent 11 Januarie 2015

Rand en sent 4 Januarie 2015

Rand en sent 28 Desember 2014

Rand en sent 21 Desember 2014

Rand en sent 14 Oktober 2014

Rand en sent 7 Desember 2014

Rand en sent 30 November 2014

Rand en sent 23 November 2014

Rand en sent 16 November 2014

Rand en sent 9 November 2014

Rand en sent 2 November 2014

Rand en sent 26 Oktober 2014

Rand en sent 19 Oktober 2014