Skáin

Hugskotið er komi frá lurtara, ið skrivar: "Eitt evni eg kundi hugsað mær at vita meira um, og sum er rættiliga fløkt, er hetta við hvør eigur hvat, tá man fer frá hvørjum øðrum. Her hugsi eg bæði um skuld og ogn". Eyðfinn Jensen leggur til rættis.

Gutti Winther greiðir nærri frá nøkrum av teimum mongu upplivingunum og ymisku viðurskiftunum, ið nortið varð við í triðja og seinasta parti av sendirøðini Fisk og skips, ið varð um útflutning av makreli til Russland. Pól Huus Sólstein stjóri á fiskasøluni North Pelagic, ið millum annað útflytir makrel til Russiska marknaðin, greiðir frá avbjóðingum og viðurskiftum á útlendsku fiskamarknaðunum. Eyðfinn Jensen leggur til rættis.

Hvussu kann ein bilførari tryggja seg best møguligt, og hvat skal ein gera, um óhappið hendir? Gestir í Skáanum eru: Jan Fossaberg, ferðslupolitistur Ella Mortensen, Skaðaleiðari hjá Trygd Heðin D. Poulsen, Skaðadeildin hjá Betri Trygging Og Sigert Patursson, formaður í Bóndafelagnum. Vertur er Eyðinn Jensen.

Í Skáanum greiðir Gutti Winther nærri frá grundarlagnum og ætlanini við nýggju sjónvarpssendirøðini Fisk og skips. Símun Hammer, stjóri á Virkisráðgeving, greinar úrslitið av nýggjari kanning við heitinum, Góðska á feskum fiski frá føroyskum skipum, ið verður kunngjørd í dag. Eisini verður prátað um marknaðarviðurskifti við Róa Egholm, søluleiðara hjá fiskaútflutningsfyritøkuni, Delta Seafood, sum í løtuni er staddur í Spanien. Eyðfinn Jensen leggur til rættis.

"Hetta tekur grundarlagið undan skipanini, tí hon klárar seg ikki við 5000,- kr. um mánaðin", skrivar lurtari til Skáan. Gestir eru: Poula á Líðarenda, leiðari fyri skattaøkið hjá Taks, og Leif Olsen, fulltrúði hjá Almannaverkinum. Eyðfinn Jensen leggur til rættis.

Gestir í Skáanum eru: Jan Jacobsen, stjóri í ognarfelagnum Lív. Hans Petur Klementsen, pensjónsleiðari hjá Nordik Pensjón. Leivur Harryson, ráðgevið hjá Tryggingareftirlitinum. Eyðfinn Jensen leggur til rættis.

Vertur er Eyðfinn Jensen.

Ringt er at vita hvar, hvør fløska skal latast inn aftur, og ofta má farast í eini 3-4 ymisk støð, áðrenn liðugt er, skrivar ein lurtari til Skáan. Gestur í Skáanum er Heidi Mortensen, frá Umhvørvisstovuni, ið greiðir frá virkandi pantskipan í Føroyum. Trý ymisk uppskot um nýggja pantskipan eru løgd framm seinastu tíðina, og tey hoyra vit meira um í sendingini. Rúsadrekkasøla Landsins, við Rógva Fossadal, skýtur upp at seta á stovn eina nýggja pantskipan í samráði við revonatiónsfelagsskapirnar, har fólk kunnu latað inn allar fløskur og øll einnýtis íløt. Handilsvinnufelagið í Vinnuhúsinum, umboða av Hera á Rógvi, skýtur upp at at varveita gamla prisippið, um at selja fløskur, men at allir handlar framyvir skulu taka ímóti øllum sløgum av fløskum. Og triðja uppskotið eigur Fía Petersen, dagligur leiðari hjá felagnum Javni, ið hevur sent eitt opið bræv til Sirið Stenberg, Landsstýriskvinnu í umhvørvismálum & Eyðgunn Samuelsen, Landsstýriskvinnu í Almannamálum. Vertur er Eyðfinn Jensen Hevur tú eitt gott hugskot til evnið í Skáanum? Send eitt teldubræv til: [email protected]

Vertur er Eyðfinn Jensen.

Gestir í Skáanum eru Petur Martin Hansen, leiðslufulltrúði hjá Heilsutrygd, Odmar Færø, formaður í Tannlæknafelagnum, og Teitur Herup, tannlækni á Tannlæknamiðstøðini í Havn. Eyðfinn Jensen leggur til rættis.

Í sendingini verður prátað við Ingun Gaardbo, depilsleiðara á medisinøkinum, Hans Jákup Simonsen, formann í Yvirlæknafelagnum og Marin Vang, fyrrverandi sjúkrarøktarstjóra. Eyðfinn Jensen leggur til rættis.

Hugskotið til evnið í Skáanum er komið frá einum lurtara, ið millum annað skrivar soleiðis: "Eg kundi hugsað mær, at tit viðgjørdu evnið um inntøkubýtið í Føroyum, serliga við denti á háinntøkur og tess týðning fyri samfelagið út frá einum samfelagsbúskaparligum sjónarhornið". Gestir í sendingini eru Høgni Vilhelm frá Hagstovu Føroya, Herman Oskarsson búskaparfrøðingur, og Djóni Eidisgaard leiðari hjá Barnabata.

Vertur er Eyðfinn Jensen

Í sendingini greiðir Fríðrik Bláhamar frá fyrimunum og vansum við teimum ymisku sløgum av kavadekkum, heilársdekkum og píkadekkum. Fríðrikkur heldur eisini, at tað er alt ov galið, at vit onga hálkubreyt hava í Føroyum, hóast ynski hevur verið frammi í meir enn tredivu ár. Bjarni Petersen, økisleiðari hjá Landsverki, gevur okkum góð ráð, um hvussu vit ferðast á tryggasta hátt í vetrarferðsluni, og fyrireika okkum til teir longru túrarnar á landsvegunum. Jan Fossaberg, ferðslupolitistur, svarar spurningar frá lurtarunum, og gevur góð ráð til fótgangarar og fólk á súkklu, eisini nevnd tey bleytu í ferðsluni. Vertur er Eyðfinn Jensen.

Rannvá Ragnarsdóttir, Brúkaraumboð í Føroyum, greiðir frá teimum møguleikum, sum ein keypari hevur, tá okkurt gongur gali við keypinum. Endurnýtsla er vælumtókt í hesum døgum, og ein stórur partur av hesum handli fyrigongur á ymiskum Rótikassum á Facebook, og øðrum líknandi heimasíðum. Ida í Kálvalíð starvast í endurnýtslubúðini hjá Bláa Krossi í Kongagøtu í Havn, og hon harmast um kappingina frá øllum Rótikassunum, og stúrir fyri framtíðini hjá handlinum. Í Tinghúsinum hjá Dugna merkja tey ikki nógv til kappingini, men tað er vorðið nakað longri millum teir dýru, góðu lutirnar í byngjunum. Allan Mørkøre, leiðari hjá Dugna greiðir frá. Vertur er Eyðfinn Jensen

Í sendingini verður vitja á Óðinshædd, hjá Tolleftirlitinum, har Jórun Olsen, tolleftirlitsfólk, greiðir frá tí, sum føroyingar í dag keypa á alnetinum, og hvat er loyvt og ikki loyvt at innflyta. Vit hitta fólkini aftanfyri tveir føroyskar nethandlar, Skalkur.fo og Prull.fo, sum hvør í sínum lagi greiða frá teirra royndum við at reka ein nethandil í Føroyum. Eisini spyrja vit fólk á gøtuni, um tey keypa nógv á alnetinum? Vertur er Eyðfinn Jensen

"Ull er ikki longur Føroya gull", men "skinn er in", so tað er ikki heilt av leið. Jógvan Nordendal frá Oikos greiðir frá søguni hjá virkinum og teirra arbeiði við føroyskum seyðaskinni. Vertur er Eyðfinn Jensen.

Bjarni á Steig, yvirlækni á medisinska deplinum og kliniskur ábyrgdahavari av Fargen-verkætlanini, greiðir frá, hvat læknavísindin kann brúka granskingina til, og hvat gagn vit brúkarar kunnu fáa av genom-skrásetingini. Birita Ludvíksdóttir, forkvinna í arbeiðsbólkinum, ið gjørdi genomálitið, greiðir frá teirra arbeiði og frá lógarkørmunum á økinum, og Nomi Gregersen, verkætlanarleiðari hjá Fargen, er beinleiðis í útvarpsstovuni, klár at svara spurningum frá lurtarum. Vertur er Eyðfinn Jensen. Hvat evnið kundi tú hugsa tær varð viðgjørt Skáanum? Send títt hugskot til [email protected]

Í Skáanum hesaferð greiðir Sigrun Samuelsen, sálarfrøðingur, okkum nærri frá, tí ið hendir einum menniskja, sum verður tráfylgt, og hon fer eisini at greiða frá tí, sum hendir í høvdinum hjá einum stalkara. Vit tosa við Jens Jensen, politist á kriminaldeildini, og frætta millum annað hvørjar heimildir løgreglan hevur, tá tilburðir um tráfylging verða meldaðir. Og so fara vit at hyggja nærri eftir nýggja lógaruppskotinum um Tilhald, Uppihaldsforboð og Burturvísing - eisini nevnd Tilhaldslógin - saman við Jógvan Elias Winther Poulsen, advokatið hjá Sókn. At enda fer Elin Michelsen at geva okkum nøkur góða ráð um, hvussu vit tryggja okkum sjálvi og okkara børn á besta hátt á netinum. Vertur er Eyðfinn Jensen