Solasean

Lehen mailako futbolaren historian aurreneko aldiz, hego Euskal Herriko bost talde nagusietako entrenatzaileak euskal hiztunak dira 2019 urtean  eta mahai berean elkartu ahal izan ditugu Osasuna, Alaves, Eibar, Reala eta Athletic-eko  aldagelatako gidariak. Jagoba Arrasate, Asier Garitano, Jose Luis Mendilibar, Imanol Alguacil eta Gaizka Garitano, futbolari izan ziren entrenatzaile izatera iritsi aurretik, beraz ondo baina hobeto ezagutzen dituzte aldagelak ez ezik afizioak ere. Liga txapelketaren  atseden  tarte bat baliatuta elkartu ahal izan genituen eta lagun arteko giroan.

Colombian sortu zen Garazi Peritz; Bogotako zubipe batean erditu zen bere ama biologikoa eta hura non gertatu zen jakitera joan da  Zarautzen hazi duten gurasoekin.  "Harro nago,familia bikaina dut" errepikatzen du eta esker ona azaltzen die   Zarautzen hezi duten gurasoei ;Txus eta Xabier Euzkitze. "Ez dakite zer inportantea izan den bidai hau niretzat" azpimarratzen du  Colombiatik itzuli berritan. "Beti jakin dute sustraien berri jakin nahi nuela" eta horregatik egin dute  bidaia fisiko eta geografikoa elkarrekin. Podcast-ean azaltzen dizkigu bizipenak, Garazik.  Esataria: Maite Artola

Xabi Alonso futbolari-ohiari ez zaio asko gustatzen komunikabideen aurrean hitz egitea. Saiakera asko eta gero geratu gara berarekin honetaz eta hartaz aritzeko. Periko Alonso aitarengandik sortu zitzaion Futbolean aritzeko zaletasuna. Nola nahi, Aitak adina garrantzia edo gehiago izan du Amak bere bizitzan. Bai eta bere emazte eta bien hiru seme alabek ere. Madrilen eta atzerrian egin duen ibilbide profesionala eta gero Donostiara itzulita dago. "Ez naiz hemendik mugituko" sendo adierazten du eta ez dagoela alderik joan zen eta itzuli den Xabiren artean: "berdin berdina da" dio.