Stereo Sip

Mir hend de GK vo din 16er TV zu Gast. Mir redet mit ihm über alti, sowie neui Ziite. Din 16er TV het damals e neui Generation vo Rapartists hervorbracht und aktiv unterstützt. Einersiits wirds nostalgisch und anderersiits git er exklusivi Insights über sini neue Plän mit sim Format, will Din 16er TV isch back im Game! Für all OG´s aber au di neu Generation isch die Lektüre pflicht. Lets go!

Mit em Usnahme-Künstler Vas Angelov redemer über sin Werdegang, Kontakt zu amerikanische Big-Player im Game, Gönner-Menthalität und vieles meh. Shit isch mies spannend! Mach Popcorn und Bier ready. Gönn dir!

Hüt checked mir Songs vom Olen Blackbird, Cinnay, Rapide, Ele A, Jamps und Paxslim ab. Zuesätzlich reded mir no über de Timbaland/Suno.ai Skandal. Popcorn und Bier ready? Lets go!

De SRF Bounce Newcomer Contest 2025 Gwünner Ryu216 hät eus im Studio bsuecht zum über de Contest rede, aber au zum 5 CH Rap Releases analysiere. En spannende Talk isch garantiert. Enjoy!

Mir hend de EffettoBeatz bi eus gha, wo unter anderem scho für Namhafti Künstler wie Guilty Simpson, Jon Connor oder Esa vo OTR produziert hät. Nebed em übliche spannende gequatsche, hend mir eus auno 5 Beats vo Schwiizer Produzente inezoge und analysiert.Machs luuht!

Mir hend de DJ STR iglade wo am Bounce Cypher 25 live mit sine tables am Start gsi isch und eus spannendi insights über de ganz Cypher glieferet het. Mach s Popcorn ready und gib der de massivi recap zum CH Hip Hop Highlight vo dem Jahr.

I eusem neue Format, analysiered mir Beats und Produktione us eusere Community. Wodsch bi de negschte Folg debii sii? Den schick eus dini Produktion. Lets go!!

Its all about games! I dere Folg werfemer en Blick ufd Hip Hop Kultur i Videogames und wie eus gwüssi Spiel vorallem i Junge Jahre prägt hend mit ikonische Titel-Soundtracks. Lets go!

Mir gönd wiedermal back in time und reded über roti Rose und wissi Deckene. Spass beiseite. Viel Gspröchsstoff über alti und neui Projekt vom Dre und wieso The Game sini Reputation am versaue isch, ghörsch i dere Folg. Lets gooo!!!

Es dreht sich alles um WAV.CHAMBERS vo WAV.RYDERS Was das isch wieso dich das als Producer interessiere chönt, erfahrsch i dere Folg. Natürlich sind mir wieder mit wiitere spannende Nerd Talk Themene am Start. Lets goo!!

Mir sind wieder voller Elan, zrug us de Winterpause und startet s neue Jahr grad mit de vierte Usgab vo CH Rap Reviews mit Chilli Mari, CHE$TER, Cinnay, Etno, Tjore, B-West, Djaye , Zaien und Julz. Enjoy ✌

Es wiiters Jahr gaht z end und mir lönd namal revue passiere. Mir ärgered eus über di neue Snapdragon Laptops und reded über eusi musikalische Highlights us em Jahr 2024. Unter anderem diskutieremer no drüber ob de Alex sich söll en MPC chaufe oder nöd. Enjoy!

Mir befassed eus erneut mit em Thema Dolby Atmos. Dadefür hend mir de Jasi im @tonstudiowattwil bsuecht zum i sim Dolby Atmos Studio über das neue Format z diskutiere. Usserdem redemer über en Producer Event vo de @wav.ryders wo sich WAV.CHAMBERS nennt und mir gönd de Frag uf de Grund wieso es Fernsehgrätli plötzlich im Chüehlschrank landet. Es wird also wiedermal extrem spannend. Enjoy!

Im zweite Part vo de Akte "Diddy" tauchemer no tüfer id Marterie. Mir sind eus aber Einig: So en grosse Skandal hets i de Musigbranche nonie geh. Enjoy!

Mer chunt nöd drum ume. De P.Diddy aka Sean Combs isch schwere Vorwürf usgsetzt und isch momentan in Untersuechigshaft. Mir redet über wildi Grücht, was für Uswirkige das ganze hät und vieles meh. Lets go!

Dasmal seziered mir Dütschi Hip Hop/Rap Songs und nehmed wie gewohnt keis Blatt vors Muhl. Es hät sogar de eint oder ander Song debii wo eus so richtig hässig gmacht hät. Enjoy!

Es isch wieder ziit für Nerdtalk! I dere Folg luegemer unter anderem en Song vom cray ah und vergliched ihn vor und nach em Mixing/Mastering. Ebefalls wartet no viel anderi nerdigi Theme uf eu. Lets go!

Mir hend de DefG zu Gast. En alte Has im Game, aber Hungrig wie nonie! Mir redet über alti Ziite, neui musikalischi Plän sowie Lebenswisheite nebed de Musig. Bier chalt und Popcorn parat? Lets go!

Mir hend wieder aktuelli CH Rap Songs bewertet. Welli Songs eus gflasht hend und a wellne mir konstruktivi Kritik güebt hend, erfahrsch du i dere Folg. Enjoy.

Mir hend de SRF Bounce Newcomer Contest Gwünner bi eus zu Gast gha und hend viel über kreativs Züg und au sinnbefreiti Sache gredet. Unterhaltig isch also garantiert. Enjoy!

Mir hend mit em talentierte und polarisierende Rapper/Produzent Limmitt über kontroversi Theme gredet, sini Iflüss wo in prägt hend, di neu Generation und vieli insider Storys! Selbsverständlich chunt au euse Nerdtalk nöd z churz. I dem erfahrsch du sini persönlichi "Secret Sauce" bim produziere und was am Method man sin Mundgruch mit em Song "Helde" ztue het.

Mir fiired 1 Jahr Stereo Sip!! I dere Folg gits exklusivi und spannendi Background Storys zu eusem Podcast. Mir lueged zrug uf eusi erste Folge sowie Favorite und lueged id Zuekunft was mer vo eusem Podcast no erwarte chan.

Mir degustiered en rauchige Rotwii vom Snoop Dogg und plaudered über verschiedeni Sache wo mir im Studio verwendet und werum de Alex uf Kabel-Muus und Tastatur schwört.

De SRF Bounce Newcomer Contest wird i dere Folg gnauer under d Luupe gnoh und mir bewertet wiedermal 7 neui CH-Rap Releases. Lets go!

De Eminem fiired sis neue Comeback und mir redet über de neui Song vo ihm. De Diddy, ehemals P. Diddy wo mit Aschuldigunge zu hüslicher Gwalt konfrontiert wird isch au Gspröchsthema. Es git viel Theorie wo wiit zrug bis zum Biggy und Pac beaf füehred. Es wird brisant!

Im zweite Part gits no meh interessanti Frage und insights i euses Schaffe. Wie zumbispiel öb mir analog oder digital bevorzuged. Popcorn ready? Lets go!

Wie de Titel scho verratet, hemer eus i dere Folg gegesiitig mit Frage bombardiert. Vo Nerdige Producer/Engineering inhält, bis zu wieso mir uf spotify am liebschte alles i di glich Playlist schmeissed. Enjoy!

Bim grosse Bounce Cypher 2024 Recap diskutiered mir über eusi Favorite vo dem Jahr. Es isch hässig und explosiv gsi. Popcorn parat? Lets Go!

Was für es Plugin wür dir bi dim Workflow helfe? Mir hend drüber diskutiert und verzelled was es mit eusere neue Whatsapp Gruppe uf sich hät, wo au du chasch bitrette.

Täglichi struggles im Studio werdet i dere Folg schonigslos ufdeckt. Mir lüftet au s Gheimnis wieso de Beni sini Hand bandagiert hät. Vilicht es Resultat vonere verzwiflete mixing session im Studio?

I dere Folg losed mir eigeni KI generierti Songs vo Suno.ai Obs KI sogar schafft schwiizer Rap Songs z kreiere?! Lachflashs sind garantiert!

Mir werdet nostalgisch. Isch es hützutags als Producer eifacher e Marke zsii als früehner? Unter anderem gömmer de Frag nah ob de Alex sini Beats uf spotify und co sött veröffentliche. Soviel vorweg: Es git wieder hitzigi Diskussione!

Its all about Plugins! Wir öffnen die Plugin-Büchse der Pandora. Wie wir unsere favorite plugins einsetzen und ob man jemals genug plugins haben kann?

S beliebte Format geht i di zweit Rundi. Wie immer werdet Produzent und Audio Engineering Skills bewertet. Dasmal mit Songs vo Lloko, Drini, WAS DAS?, can mattier, Prismoe, Slimka, Noa Faith, H4R und Don65. Enjoy!

De Alex bechunt es nerdigs Geburtstagsgeschenk und mir widmet aus di ganz Folg am Thema Kompressore sowie wenn und wie mir die genau isetzed. Nerd-Alarm!!!

I dere folg zeigt eu de Beni was er für Studioequipment i sim Setup hätt. Natürli chunt de üblichi Trash und Nerd/-Talk aunöd z churz. Es wird Neeeerdig!

De mit Gold und Platin uszeichneti Audio-Engineer, verzellt eus i dere Folg viel über sini Arbetswiis, aber au über sin Werdegang und d Philosophie hinter sinere Arbet. Verdammt spannend wie mir findet!

I dere Folg verzelled mir wär eusi top Content Creator im Audio Engineering und Beatproducer Bereich sind. Au reded mir drüber was eus hilft Blockadene und Demotivatione löse, um de inneri Schweinehund z überwinde.

Was hät KI für e Uswürkig uf Musikproduktione? Über die und vieli wiiteri Frage diskutiered mir i dere Folg. Brandaktuell und spannend, for real!

E neui Rubrik wo mir Produktion und technischi Aspekt vo 7 CH-Rap Songs bewertet. Nebedbii gits natürlich das übliche unterhaltsame gequatsche vo eus z ghöre.

Vo hitzige Diskussione über verschissni features bis hin zu Verantwortigs/-Pflichtbewusstsi vo berüehmte Produzente gegenüber neue Trends.

Eusi meistgnutzte Plugins, Künstler credibility, explosivi Hüehner und e Offtopic H.P. Baxxter Anekdote.

I dere Folg redemer unter anderem über kontroversi Künstler, welli DAW am beste tönt, wieso Hip Hop griifte Chäs am beste schmöckt und was geils Wasser vo grusigem unterscheidet. Lets Go!

Dolby Atmos, Alltagsgschichte, Meinige über eisitige Musikgschmack und vieles spannends meh, erwartet dich i dere Folg.

Nebed bitzeli Schwizer Hip Hop Gschicht behandled mir i dere Folg unter anderem Selbstzwiifel bim produziere und wie mir s erstmal mit Musig in Kontakt cho sind.

I de erste Folg verzelled mir eu was es mit eusem Podcast uf sich hät und was für schlimmi Audio-Nerds mir sind. DAW und Equalizer Gschichte, sowie eusi Erfahrige mit Shampoo. Viel Spass und Cheers!