TOON CAST's Podcast

TOONCAST #10-ում հյուրը Դիանա Մելիքսեթյանն է՝ Sunday Towers նախագծի կրեատիվ տնօրենը։ Զրույցը կենտրոնացած է բազմաֆունկցիոնալ նախագծերի զարգացման, նոր սերնդի բնակելի միջավայրերի ձևավորման և անշարժ գույքի շուկայում տեղի ունեցող փոփոխությունների շուրջ։Քննարկվում է, թե ինչպես են ձևավորվում նախագծեր, որտեղ համատեղվում են բնակությունը, աշխատանքը և հանգիստը, ինչ խնդիրներ են լուծում նման համալիրները բնակիչների համար, և ինչպես է փոխվում ժամանակակից գնորդի վարքագիծն ու սպասումները։ Անդրադարձ է կատարվում նաև վստահության ձևավորման մեխանիզմներին, շինարարության ընթացքի մարտահրավերներին և նման նախագծերի դերին Երևանի զարգացման մեջ։Թողարկում նրանց համար, ովքեր ցանկանում են հասկանալ՝ ինչպես է ձևավորվում նոր քաղաքային միջավայրը և ինչու են բազմաֆունկցիոնալ նախագծերը դառնում ժամանակակից քաղաքաշինության կարևոր ուղղություն Հայաստանում։

TOONCAST #9 -ի ընթացքում խոսում ենք կառուցապատողի դերի, ժամանակակից քաղաքաշինական մոտեցումների, զարգացած քաղաքների փորձի և Երևանի ապագա ճարտարապետական տեսքի մասին։Քննարկում ենք նաև՝ինչու է կարևոր համատեղել էսթետիկան և ֆունկցիոնալությունը,ինչպես է փոխվում ժամանակակից գնորդի վարքագիծը,և ինչի համար է իրականում վճարում մարդը տուն գնելիս։Զրույցի ընթացքում անդրադառնում ենք նաև AMANOO-ի գործունեությանը, շինարարական նորմերին և TOON EXPO-ի նշանակությանը ոլորտի զարգացման մեջ։

TOONCAST-ի այս հատուկ թողարկման հյուրը Դիանա Հարոյանն է՝ Big Projects ընկերության համահիմնադիրը, Մարքեթինգի և PR-ի բաժնի ղեկավարը։Զրույցը նվիրված է TOON EXPO 2026-ի ամբողջական մարքեթինգային արշավին, դրա մասշտաբին, գործիքներին և այն արդյունքներին, որոնք արդեն իսկ արձանագրվել են մինչև ցուցահանդեսի մեկնարկը։ Քննարկվում է, թե ինչպես է ձևավորվել արշավի ռազմավարությունը, ինչ հարթակներ են օգտագործվել՝ սկսած ինֆլուենսերներից և հանրային դեմքերից մինչև ավանդական մեդիա և արտաքին գովազդային ալիքներ։Անդրադարձ է կատարվում նաև TOON EXPO INTENSIVE կրթական ձևաչափին, TOON ECOSYSTEM-ի գաղափարին, ինչպես նաև այն մեխանիզմներին, որոնք նպաստում են շուկայի ակտիվացմանը և այցելուների ներգրավմանը։ Այս թողարկումը հնարավորություն է հասկանալու՝ինչու է TOON EXPO-ն դարձել տարածաշրջանի ամենախոշոր հարթակներից մեկը և ինչ է սպասվում այցելուներին այս անգամ։

TOONCAST #07-ում հյուրը Վահրամ Գևորգյանն է՝ Ameriabank-ի Երկարաժամկետ բանկինգի թրայբի ղեկավարը։ Զրույցը նվիրված է հիպոթեքի նոր իրականությանը և այն հարցին, թե ինչպես է այսօր ձևավորվում անշարժ գույքի գործարքը բանկի, կառուցապատողի և գնորդի միջև։Քննարկվում է, թե ինչպես է փոխվել հիպոթեքի ընկալումը վերջին տարիներին, ինչ վախեր ունեն գնորդները և որոնք են իրականում հիմնավորված, ինչպես են բանկերը ընտրում կառուցապատողներին և ինչ սկզբունքներով է կառուցվում նրանց համագործակցությունը։Թողարկում նրանց համար, ովքեր ցանկանում են հասկանալ՝ ինչպես է աշխատում հիպոթեքը այսօր, ինչ հնարավորություններ է տալիս ֆինանսական համակարգը և ինչպես է փոխվում բնակարան ձեռք բերելու գործընթացը Հայաստանում։

TOONCAST #06-ում հյուրը Անի Մավյանն է՝ Renshin Urban Investments ընկերության ռազմավարական զարգացման տնօրենը։ Զրույցը կենտրոնացած է քաղաքաշինական ներդրումների, խոշոր նախագծերի ձևավորման և Հայաստանի՝ որպես ներդրումային միջավայրի հնարավորությունների շուրջ։Զրույցի ընթացքում քննարկվում են նաև գնորդների փոփոխված վարքագիծը, կառուցապատողների մասին ձևավորված կարծրատիպերը, միջազգային փորձը, Հայաստանի բնակելի ֆոնդի ներկա վիճակը և քաղաքաշինական զարգացման ներկայիս հայեցակարգը։Թողարկում նրանց համար, ովքեր ցանկանում են հասկանալ՝ ինչպես են ձևավորվում մեծ քաղաքաշինական նախագծերը, ինչ ներդրումային հնարավորություններ ունի Հայաստանը և ինչ ուղղությամբ է զարգանում ոլորտը։

TOONCAST #05-ում հյուրը Արմեն Սաքապետոյանն է՝ 1SQ-ի հիմնադիր, գործարար։ Զրույցը կենտրոնացած է քաղաքաշինական պատասխանատվության, անշարժ գույքի շուկայի ներկա փուլի և դրա առողջացման չափանիշների շուրջ։Քննարկվում է, թե ինչ փուլում է այսօր շուկան, ինչ դժվարությունների և խոչընդոտների է բախվում կառուցապատողը, որոնք են ոլորտում ամենատարածված սխալները և ինչ պայմաններում է հնարավոր ապահովել կայուն աճ։ Թողարկում նրանց համար, ովքեր ցանկանում են հասկանալ՝ արդյո՞ք շուկան շարժվում է առողջ զարգացման ուղղությամբ, և ի՞նչ պատասխանատվություն է պահանջում ժամանակակից կառուցապատումը Հայաստանում։

TOONCAST #04-ին հյուրընկալել ենք RED Invest Group-ի համահիմնադիր տնօրեն Արսեն Ավետիսյանին։ Որպես #toonexpo -ի ամենահավատարիմ գործընկեր՝ Արսենի հետ զրուցել ենք տարբեր տարիների արդյունքներից, այս տարվա կանխատեսումներից ու զարգացման միտումներից, սպառողների վարքագծային փոփոխություններից, առաջարկից ու պահանջարկից։ Հատկանշական է, որ նախորդ տարիներին արված կանպատեսումները 95% ճշգրտությամբ կատարվել են, իսկ թե ինչ նորություններ սպասել ու ինչ ակնկալել այս տարվա TOON EXPO-ին Red Invest Group-ից, դիտեք էպիզոդում։

TOONCAST #03-ում հյուրը Վարդան Մարության է՝ ML MINING ընկերության գլխավոր տնօրենի առաջին տեղակալը։ Զրույցը կենտրոնացած է կառուցապատող–գնորդ հարաբերությունների փոփոխությանը և շուկայում ձևավորվող նոր իրականությանը։Քննարկվում է, թե ինչ է փոխվել գնորդի վարքագծում և սպասումներում, ինչու է կառուցապատողը դարձել առավել շահառուակենտրոն, և ինչպես են փոխվում վստահության կառուցման մեխանիզմները։ Անդրադարձ է կատարվում շուկայի արագ աճին, ներդրումային հետաքրքրությանը, ոլորտի պատրաստվածությանը, ինչպես նաև այն սխալ պատկերացումներին, որոնք հաճախ ունի վերջնական սպառողը։Թողարկում նրանց համար, ովքեր ցանկանում են հասկանալ՝ ինչպես է ձևավորվում հարաբերությունները կառուցապատողի և գնորդի միջև, և ինչ սկզբունքներով է աշխատում ժամանակակից անշարժ գույքի շուկան Հայաստանում։

TOONCAST #02-ում հյուրը Գուրգեն Գրիգորյան է՝ Կառուցապատողների հայկական ասոցիացիայի նախագահը։ Զրույցը կենտրոնացած է Հայաստանի քաղաքաշինության և կառուցապատման ոլորտի ընդհանուր պատկերի վրա՝ ներկայիս մարտահրավերների, կարգավորումների և առաջիկա միտումների համատեքստում։Քննարկվում են շուկայի ներկա վիճակը վիճակագրական թվերով, առաջարկի և պահանջարկի հարաբերակցությունը, կառուցապատման նոր ստանդարտները, թույլտվությունների նվազումը և մշտապես փոփոխվող խաղի կանոնների հետևանքները։ Զրույցի ընթացքում անդրադարձ է կատարվում օտարերկրյա ներդրումներին, միջազգային փորձին, ոլորտում գործող նոր կարգավորումներին, կառուցապատողների ռեյտինգավորման մեխանիզմին և կառուցապատման գործունեության մասին նոր օրենքին։Թողարկում նրանց համար, ովքեր ցանկանում են հասկանալ՝ ինչ փուլում է այսօր քաղաքաշինության ոլորտը Հայաստանում, և ինչ պետք է իմանա ինչպես կառուցապատողը, այնպես էլ վերջնական սպառողը։

TOONCAST #01-ում հյուրը Համլետ Խնկոյանն է՝ #BigProjects ընկերության համահիմնադիր-տնօրենը։ Զրույցը կենտրոնացած է այն ռազմավարական փոփոխության վրա, որի արդյունքում #TOONEXPO -ն դուրս է գալիս դասական «էքսպո» ձևաչափից և վերածվում ամբողջական TOON ECOSYSTEM-ի։Քննարկվում են Big Projects-ի զարգացման ուղղությունը, 2026 թվականի տեսլականը, TOON EXPO-ի իրական տնտեսական ազդեցությունը, նրա ունիկալ մոդելը, արդյունավետության բարձրացման գործիքները, թվային լուծումները և TOON EXPO 2025-ի թվերը։ Թողարկում նրանց համար, ովքեր ուզում են հասկանալ՝ ինչ է կառուցվում TOON բրենդի շուրջ և ինչու է այն դարձել էկոհամակարգ։