01.10.2021, ॴशिद (आश्विन/ ॳसूज) गटॖ पछॖ (कृष्ण पक्ष) दऺहम (दशमी) शॊकुरवार (शुक्रवार/जुम्मा/भार्गववार

01.10.2021, ॴशिद (आश्विन/ ॳसूज) गटॖ पछॖ (कृष्ण पक्ष) दऺहम (दशमी) शॊकुरवार (शुक्रवार/जुम्मा/भार्गववार), श्री सप्तर्षि सम्वत 5097, नक्षत्र तिष्या, राश कर्कट (चलान), ऋतु हरुद (शरद) (चलान), दऺहम हुन्द श्राद्ध यी ॳज़्य, पुनिम हुन्द श्राद्ध यी पितृ मावसि दॊह याने (06.10.2021) ************************ नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव ************************ महामऻरी नाश - मंत्र जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते ************************ पज़र छु यि ज़ि सान्यन शुर्यन छुनॖ अज़कल सु माहोल मेलान यथ मंज़ तिम पनॖनि स्कूल/कालेज पडायि सॗत्य सॗत्य अध्यात्मिक ज्ञानुक बोर ति ह्यकन च़ऻलिथ। कऺशीरि मंज़ ओस हर कुनि गरस मंज़ ठोकुर कुं आसान तॖ गर्युक ज़्युठ यॆलि पूज़ा ओस करान तॖ शुरिस कऺटिस ति ओस कॆंह कॆंह ज़बऻन्य याद रोज़ान, नान्य बुड्यबबस सॗत्य व्वथनॖ बॆहनॖ सॗत्य सॗत्य ति ओस शुर कॊट कॆंह नतॖ कॆंह ह्यॆछान रोज़ान, क्वलॖ ब्रह्मुन आसनॖ सॗत्य ति ओस गर्यक्यन बऻच़न धर्म व्यवहारॖच ज़ऻन्यकऻरी गछ़ान रोज़ान, प्रथ मऺहलस मंज़ मंदर आसनॖ म्वख ति ओस सान्यन शुर्यन छ़्यॆटि श्रूच़ुक ज्ञान रोज़ानॖय रोज़ान। यिमन सारिनी चीज़न हॖन्ज़ छि व्यछ़य सान्यन शुर्यन तॖ असि ति छॆनॖ फ़ुरसत ज़ि ॳस्य वातनावहऻव पनॖन्यन शुर्यन ताम अध्यातमुक ज्ञान यूतुय त्यूतुय। मगर यि ज्ञान आसुन छु ज़रूरी म्यॆ बासान। गायत्री मंत्र परुन, इन्द्राक्षी मंत्र, दीवी हॖन्ज़ स्तुति, शिवा स्तुति, वगैरा वगेरा। यिम चीज़ असि मंज़ आसनॖ सॗत्य रोज़ि सोन मन शान्त, स्वख समृद्धि मेलि तॖ मनॖच मुराद गछ़ि पूरॖ म्यॆ छु विश्वास। कथ छि जऻरी। ************************ कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव *********************** नऺविव तॖ फॊलिव भूषण कौल "दीप" (बूज़िव ॳज़्युक सबक़ म्यानि ज़्यॆवि ति) (यि सबक़ वुछिव podcast दऺस्य ति) https://anchor.fm/bldeep (यि सबक़ वुछिव koshursabak.blogspot.com प्यठॖ ति)