02.11.2021, कार्तिक (कतक) गटॖ पछॖ (कृष्ण पक्ष) बाह (द्वादशी) देवादेव बॊम्वार (मंगलवार) श्री सप्तर्षि

02.11.2021, कार्तिक (कतक) गटॖ पछॖ (कृष्ण पक्ष) बाह (द्वादशी) देवादेव बॊम्वार (मंगलवार) श्री सप्तर्षि सम्वत 5097, नक्षत्र उ.फा, राश कन्या (चलान) ऋतु हरुद (शरद) (चलान) *************************** नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव **************************** महामऻरी नाश - मंत्र जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते **************************** सवाल छु नॖ असि क्याज़ि कॊर कश्यप बन्धु पानस निशि ब्यॊन बऺल्कि सवाल छु ज़ि ॳस्य क्याज़ि छि नॖ पनॖनिस पानस मंज़ बदलाव यछ़ान अनुन याने त्युथ बदलाव ज़ि युथ सऻनिस समुदायस मंज़ रोज़ि नॖ व्यछ़य कुनि कॖस्मॖच। अगर म्योन अनुमान सऺही छु म्यॆ छु नॖ बासान ज़ि कऻशुर पंडित समुदाय त्रऻविथ आसि सऻनिस वतनस मंज़ ब्यॆयि त्युथ कांह समाज यथ समाजस मंज़ सामाजिक धर्माचार्यन हॖन्ज़ व्यछ़य आसि। असि छि पनॖनि धार्मिक कामि करनावनॖ बापथ ब्यॆयन ज़ऻच़न हॖन्द्यन धर्माचार्यन हॖन्ज़ मिन्नत प्यवान ह्यॆन्य। तिम धर्माचार्य यिमन नॖ कऻशिर्य पंडितन हॖन्द्यन रस्मन तॖ रिवाजन हॖन्ज़ वऻकफियतॖय छि। थ्वकॖ जोद कऺरिथ छि तिमव ज़ॖ च़ोर किताबॖ परिमच़ॖ तॖ सान्यन हवनन, खान्दरन व्वछ़बन तॖ अंत्येष्टि वगैरा प्यठ छि ओरुक योरुक सॊम्बरिथ कारस अंद वातनावान तॖ असि छि बॆतस्लऻयी मंज़ तस्लाह अनॖनॖच कूशिश करान। पनॖन्य ब्रह्मन, क्वलॖ ब्रह्मन, पठित ब्रह्मन छिनॖ नज़री गछ़ान व्वंय ति क्याज़ि असि तॊग नॖ तिमन सु मान तॖ यज़थ द्युन यॆमिक तिम हकदार ॴस्य। तिमव ब्रह्मनव या तिहॖन्द्यव शुर्यव कट्यव ज़ोन मुनऻसिब पनॖन्य अख अलग प्रज़नथ बनावॖन्य। तिम गऺयि सफल पनॖनिस इरादस मंज़ मगर अख आम कऻशुर बटॖ रूद महरूम पनॖनि धर्मुक आधार ज़ाननि निशि। सान्यन द्वन ज्योतिष्याचार्यन छॆय नॖ कुनी कथ, धर्माचार्यन दिच़ नॖ असि पानय पानस सॗत्य बॆहनस वथ तवय रूद पथ कऻशुर बटॖ पनॖन्य संस्कृति तॖ संस्कार ज़ानॖनस तॖ मानॖनस मंज़। परुन तॖ लेखनुय योत छु नॖ बऺल्कि पनुन धर्म ज़ानुन तॖ तथ सॗत्य सॗत्य पनॖन्य ज़ाथ ज़ानॖन्य तॖ संस्कार तॖ अध्यामिकता हुन्द ज्ञान आसुन ति छु स्यठाह ज़रूरी। अगर नॖ यिमन चीज़न हॖन्ज़ ब्वय आसि, अगर नॖ पनॖन्य माजि ज़्यव आसि असि छु नॖ तॆलि कांह हक़ बनान पनॖनिस पानस बटॖ वनॖनुक। कथ छि जऻरी *************************** कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव **************************** नऺविव तॖ फॊलिव भूषण कौल "दीप" (बूज़िव ॳज़्युक सबक़ म्यानि ज़्यॆवि ति) (यि सबक़ वुछिव plodcast दऺस्य ति) https://anchor.fm/bldeep (यि सबक़ वुछिव koshursabak.blogspot.com प्यठॖ ति)