02.12.2021, मॊंजहोर (मार्ग/मगर) गटॖ पछॖ (कृष्ण पक्ष) त्रुवाह (त्रयोदशी) ब्रसवार (गरूवार/वीरवार/ब्रहस

02.12.2021, मॊंजहोर (मार्ग/मगर) गटॖ पछॖ (कृष्ण पक्ष) त्रुवाह (त्रयोदशी) ब्रसवार (गरूवार/वीरवार/ब्रहस्पतवार) श्री सप्तर्षि सम्वत 5097, नक्षत्र स्वाति, राश तुला (चलान) ऋतु हेमन्त (चलान) ************************* नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव ************************* महामऻरी नाश - मंत्र जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते ************************* कऺशीरि मंज़ युस दऺर्याव छु तथ छि वनान जेहलिम, वितस्ता या व्यतस्ता, तॖ व्यथ ति। अथ व्यथि प्यठ छि आमॖत्य ग्रन्दि रॊस कऺदॖल बनावनॖ यिहॖन्द्य ब्यॊन ब्यॊन नाव छि आमॖत्य थावनॖ तिक्याज़ि यि क्वल याने दऺर्याव छु वारियाह ज़्यूठ सफ़र कऺरिथ ॴखरस समन्दरस सॗत्य मेलान। सिरीनगरक्यन प्रमुख कऺदलन हॖन्द्य नाव छि यिथकऺन्य - ज़ीरो ब्रॖज, ओम्राकऺदल, बडशाह ब्रॖज, हब्बॖ कऺदल, फ़तेह कऻदल, ज़ऻनॖ कऺदल, नॊव कऺदल, ॴल्यि कऺदल, सफा कऺदल। बरादरन च़ऺट कथ मंज़य तॖ वॊनुन तीज़मालि कुन। म्यॆहय छु बू़ज़मुत ज़ि यिमव कऺदलव मंज़ छि ज़ॖ कऺदॖल याने ज़ीरो ब्रॖज तॖ बडशाह ब्रॖज पतॖ आमॖत्य बनावनॖ। ति छा पॊज़। आहनबा ति छु पॊज़ यिम ज़ॖ कऺदॖल छि आमॖत्य पतॖ बनावनॖ। ग्वडॖ ॴस्य दपान व्यथि प्यठ छि सथ कऺदॖल तॖ व्वंय छि वनान व्यथि हॖन्द्य नव कऺदॖल। अमि अलावॖ ति छि वारियाह कऺदल मस्लन कन्या कऺदल, ड्यॆड्य कऺदल, रामबाग कऺदल, छच़ॖबल कऺदल, वूंटॖ कऺदल वगैरा वगैरा। दफ यिम कऺदल ति गऺयि असि निशि दूर। ज़ानि दय तस क्याह छु मंज़ूर। तीज़माल गऺयि ब्यॆयि कथताम ख्यूबस मंज़। बरादरन दिच़नस ज़ीर तॖ दॊपनस मऻजी यिमन कऺदलन सॗत्य सॗत्य प्यॆयि म्यॆ शिकारि याद। किथॖ पऻठ्य ॴस्य नावि सऻल करान। नबातॖ शिकार्यॆय याच़ॖ क्याज़ि दफ डूंगॖ सऻल। दिलस छि दुबरारय गछ़ान यॆलि यिमॖ कथॖ तॖ तिम दॊह छि च़्यतस प्यवान। कथ छि जऻरी ************************* कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव """""""""""""""""""""""""""""""""""""""" ऱयतन हॖन्द्य नाव कऻशिर पऻठ्य - च़िथॖर (चैत्र/चेत) वह्यक (वेशाख/बैसाख) ज़्येठ (ज्येष्ठ) हार (आषाढ) श्रावुण (श्रावण/सावन) बऻदॖर्यप्यथ (भाद्र/भादून्) ॴशिद (आश्विन/असूज) कार्तिक (कतक) मॊंजहोर (मार्ग/मगर) पॊह (पौष) माग (माघ) फागुन (फाल्गुन) ************************ नऺविव तॖ फॊलिव भूषण कौल "दीप" (बूज़िव ॳज़्युक सबक़ म्यानि ज़्यॆवि ति) (यि सबक़ वुछिव pod cast दऺस्य ति) https://anchor.fm/bldeep (यि सबक़ वुछिव koshursabak.blogspot.com प्यठॖ ति)