#1: Rrugëtimi: “Si grua është më e vështirë” – E vërteta për IT në Kosovë | Vjollca Çavolli

Në episodin e parë të podcastit “Rrugëtimi” me autore Jehona Hulaj, e ftuar është Vjollca Çavolli, një nga figurat më me ndikim në sektorin e teknologjisë në Kosovë. Ajo rrëfen historinë e saj personale – nga ëndrra për t’u bërë programerja e parë femër, sfidat që ia ndryshuan rrugën jetës, deri te roli i saj në zhvillimin e industrisë së IT-së në vend.Gjatë bisedës, Çavolli ndan pikëpamjet e saj për rolin e teknologjisë si motor ekonomik, përfshirjen gjithnjë në rritje të grave në këtë sektor, si dhe sfidat dhe mundësitë që e presin Kosovën në të ardhmen digjitale.Ky episod sjell një mesazh të fuqishëm për të rinjtë, veçanërisht për vajzat që të besojnë në potencialin e tyre dhe të bëhen pjesë e botës së teknologjisë.