#14 ХРИСТИЙН АМЬДРАЛ| Тэнэг барилгачин

Бид амьдралынхаа туршид маш олон сонголтуудыг хийж байдаг. Харин тэдгээр нь бидний амьдралын зүг чигт хэрхэн нөлөөлдөг юм бол? Ер нь зөв буруугаа яаж мэдэх вэ? Бидэнд сонголт хийхэд туслах, чиг заах хэн нэгэн байгаа болов уу? Энэ олон асуултын хариултыг манай өнөөдрийн өгүүлэгч тантай хуваалцан ярилцах болно. Өнөөдрийн түүхийг өгүүлэгч Итан гэдэг залуу. Тэр сайхан сэтгэлтэй, зөв хүмүүжилтэй нэгэн байлаа. Гэтэл тийм хүмүүс ч гэсэн буруу сонголт шийдвэр гаргах тохиолдол байдаг шүү дээ. Өөрт нь Бурхан ямар их хэрэгтэйг ийм хүмүүс тэр болгон олж харж, ойлгож мэддэггүй. Ийм ч учраас тийм хүмүүс олон ч гэсэн буруу шийдвэр гаргасан байдаг. Тэдгээр бодлогогүй шийдвэрүүд нь өөрсдийнх нь төдийгүй, бусдын амьдралд ч ноцтой үр дагавруудыг авчрах аюултай. Итаны өгүүлэх түүх энэ бүгдийг олж харахад туслах болно.