16.11.2021, कार्तिक (कतक) ज़ूनॖ पछॖ (शुक्ल पक्ष) बाह (द्वादशी) देवादेव बॊम्वार (मंगलवार) श्री सप्तर्

16.11.2021, कार्तिक (कतक) ज़ूनॖ पछॖ (शुक्ल पक्ष) बाह (द्वादशी) देवादेव बॊम्वार (मंगलवार) श्री सप्तर्षि सम्वत 5097, नक्षत्र रेव, राश मेष (रऻच़ हॖन्ज़ॖ 8.17 बजि प्यठॖ), ऋतु हेमन्त, द्रठॖपऻन्च़ुक (पंचक) समाप्त ************************ नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव ************************ महामऻरी नाश - मंत्र जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते ************************ बरादरन वॊन तीज़मालि कुन ज़ि मऻजी पॊज़ हय बोज़ख यनॖ सऻन्य नामावार तॖ क़दावार अदीब असि निशि दूर गऺयि असि ज़न पनुन पान बासान परछ़्यॊन ह्यु। तिथ्य लिखऻर्य छिनॖ ज़न अज़ नज़रि गछ़ान। मस्लन कृष्ण जुव राज़दान, परमानन्द, ज़िन्दॖकोल, दीना नाथ कौल "नऻदिम", पृथ्वी नाथ कौल "सऻयल", पुष्करनाथ कौन "पोशि बब", ओंकार नाथ कौन, ब्यॆयि ति वारियाह। यिमव युस खज़ानॖ असि हवालॖ कॊरमुत छु, बॖ हय छुस मऻजी सोंचान ज़ि तथ कुस करि रऻछ, सु कुस पकनावि ब्रोंहकुन यॆलि नॖ कांह पनॖन्य माजि ज़्यव परनस या लेखनस मंज़ दिलचस्पी हावि। त्युहुन्द खज़ानॖ मा दिमव ज़ायि गछ़नॖ। तीज़मालि आयि ॳश्य टऻर्य तॖ वॊनुन बरादरस ज़ि ॳस्य कऻशिर्य बटॖ छि आवलॖनिस मंज़ वुन्यक्यनस ह्यनॖ आमॖत्य। यिम अज़कल ति कॆंह कॆंह छि कऻशिर्य ज़बऻन्य मंज़ लेखान रोज़ान तिम छि कऻत्याह तॖ त्युहुन्द ल्यूखमुत परनवऻल्य तॖ गरनवऻल्य ति छि कति। बरादरन पकनऻव कथ ब्रोंहकुन यि वऺनिथ ज़ि सऻन्य नऺव पुय छि कऻशुर अंग्रीज़स मंज़ लेखान तॖ फखॖर ह्यु ज़ानान। कऺशीरि न्यबर नीरिथ आयि ॳस्य छऺकॖरावनॖ तॖ सोन अदब ति आव वाहरावनॖ गन्डॖ रॊस। सऻनिस समाजस छु ज़रूरत पनुन अदव रऺछ़रावनुक, यि सान्यन ज़िठ्यन हुन्द खज़ानॖ सॊम्बरावुन तॖ नव्यन लूकन ताम वातनावुन या नऺव्य लूख तथ खज़ानस ताम वातॖनावॖन्य। यिम असि जायि जायि आश्रम छि बनऻव्यमॖत्य या कॆंह दीवी अस्थापन छि बनऻव्यमॖत्य तिमन जायन पज़न असि पाठशाला शुरु करॖन्य यॆति सान्यन शुर्यन अध्यात्मिक ज्ञान यी दिनॖ तॖ सॗत्य सॗत्य पनॖन्य माज़ि ज़्यव यी परनावनॖ। तिमन आश्रमन या दीवी स्थलन मंज़ पज़न लाइब्रेरी या किताबगर बनावॖन्य यॆत्यन सोन अदब रोज़ि सान्यन नज़रन तल तॖ असि बडि लालसा तथ अदबस कुन वुछनॖच, परनॖच तॖ तथ अदबस मंज़ ग्वतॖ ग्वथ करनॖच। कथ छि जऻरी। ************************ कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव """""""""""""""""""""""""""""""""""" कऻशिर ग्रन्द - गिनती कश्मीरी में - शॆयत्रॖह (छॆत्तीस) सत्तत्रॖह (सैंतीस) अरत्रॖह (अठतीस) कुनतऻजी (अन्तालीस) च़तजीह (चालीस) ************************ नऺविव तॖ फॊलिव भूषण कौल "दीप" (बूज़िव ॳज़्युक सबक़ म्यानि ज़्यॆवि ति) (यि सबक़ वुछिव podcast दऺस्य ति) https://anchor.fm/bldeep (यि सबक़ वुछिव koshursabak.blogspot.com प्यठॖ ति)