#18 ӨНДӨР ХУВЬ ТАВИЛАН|Зөвт сайн хүмүүс яагаад залуугаараа нас барна вэ?

Шударга бус байдал, зөрчил тэмцлээр дүүрэн энэ дэлхий дээр бүх хүнийг тойрохгүй дайрдаг цөөн хэдэн зүйл бас бий. Хэдийгээр зарим хүмүүс нь баян чинээлэг, аз жаргалтай хангалуун сайхан амьдарч байхад зарим нь зовлон шаналал, саад бэрхшээл, цөхрөл гутралаар дүүрэн амьдарч байдаг. Гэхдээ эцсийн эцэст бид бүгдийг нэг л тавилан хүлээж байгаа. Бид бүгд нэг л өдөр нас барж энэ дэлхийг орхих болно. Гэтэл үхэл хагацал дээр ч шударга бус байдал ажиглагдах ажээ. Хувиа хичээсэн хорон муу хүмүүс нь өндөр насалж, эд хөрөнгө, найз нөхдөөрөө хүрээлүүлэн амар тайван нүд аньж байхад бусдын төлөө гэсэн сэтгэлтэй сайхан хүмүүс нь ид залуу насандаа зуурдаар нас барж байх юм. Найз минь, хэрвээ хэзээ нэгэн цагт чиний дотор “Яагаад сайн хүмүүс нь түрүүлээд явчихдаг байнаа?” гэсэн асуулт төрж байсан бол чамд дуулгах сайн мэдээ надад байна. Бурхан тэрхүү өөд бологсдыг бүгдийг нь харж мэдэж байдгаас гадна тэдний ард үлдэж буй ар гэрийнхнийг нь ч харж хамгаалж байдаг юм. Ингээд сонсогч таныг Библи дээрх хүмүүс болон тэдэнд тохиолдсон үйл явдлуудаас сэдэвлэн бүтээсэн “Бурхантай холбоотой хэцүү асуултууд” хэмээн цуврал жүжгийн зургаа дэх бүлгийг хүлээн авч сонсохыг урьж байна. Энэхүү бүлгээрээ бид “Зөвт сайн хүмүүс яагаад залуугаараа нас барна вэ?” гэсэн асуултыг авч үзэх болно.