#2 ЯЛГУУСАН АМЬДРАЛ|Санаанд багтамгүй амьдрал

Өнөөдрийн нэвтрүүлэгт маань тавтай морилно уу. Өнөөдрийн дугаараар бид Санаанд багтамгүй Аврагч болох Есүс Христийн амьдралын тухай үзэх болно. Хүн төрөлхтнийг аврах Мессиа Есүс энэ дэлхийд мэндлэх болно гэдгийг Түүнийг мэндлэхээс олон зуун жилийн өмнө Бурхан Исаиа болон бусад эш үзүүлэгчдээр дамжуулан айлдсан байсан. Тэрхүү амлагдсан Аврагч нь Давидын удмаас мэндлэх боловч дайчин хааны дүрээр бус харин эгэл жирийн хөвгүүн болж онгон бүсгүйгээс мэндлэх болно гэдгийг Бурхан урьдаас илчилсэн байсан. Гэвч хүмүүс Есүсийг агуу хааны дүрээр ирнэ гэж бодож байсан. Тиймээс ч тэдний хүлээлтэнд хүрээгүй учир ихэнх нь Есүсийг Амлагдсан Аврагч хэмээн хүлээж авахаас татгалзсан юм. Улмаар Есүс ийг үйлчлэлээ эхлүүлэх үед маш олон хүн гайхаж цочирдсон. Учир нь Есүс шашны уламжлалуудад анхаарлаа хандуулахын оронд хүмүүсийг Бурхантай хувьчилсан харилцаатай болохыг уриалан дуудаж байсан. Есүс хүмүүсийн амьдралыг өөрчилж байснаас гадна хүмүүсийн Бурхантай болон бие биентэйгээ харилцах харилцааг нь ч мөн өөрчилж байсан билээ. Ингээд хамтдаа Есүст итгэгч Ахмад өөрийн найз Омартаа Есүс Христийн “Санаанд багтамгүй амьдралын” тухай хэрхэн өгүүлэхийг хүлээн авч сонсоцгооё.