21.09.2021, ॴशिद (आश्विन/ॳसूज) गटॖ पछ (कृष्ण पक्ष) ऒक्दॊह (प्रथमा) बॊम्वार (मंगलवार),श्री सप्तर्षि स

21.09.2021, ॴशिद (आश्विन/ॳसूज) गटॖ पछ (कृष्ण पक्ष) ऒक्दॊह (प्रथमा) बॊम्वार (मंगलवार),श्री सप्तर्षि सम्वत 5097, न‌क्षत्र उ.भा, राश मीन (चलान), ऋतु हरुद (शरद) (चलान) द्रठॖपऻन्च़ुक (पंचक)(चलान), पितृ पक्ष छु ॳज़्यकि प्यठॖ शुरु,ऒक्दुहुक श्राद्ध फाकॖ यी ॳज़्य। पितृ मावसि दॊह याने (6.10.2021) यी पुनिम हुन्द श्राद्ध *********************** नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव ************************ महामऻरी नाश - मंत्र जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते ************************ यॊत ताम म्यॆ ज़्वन छु कऺशीरि मंज़ ॴस्य नॖ कऻशिर्य बटॖ व्यथॖ त्रुवुश दॊह व्यतस्तायि बठ्यन प्यठ या गाठन याने यारबलन प्यठ गऺछ़िथ आरती/पूज़ा करान या ज़ूल कऺदलन प्यठ करान। यि प्रथा कऺम्य कऺर शुरु, क्याज़ि कऺर शुरु म्यॆ मूर्खस तॊर नॖ फिकरी कॆंह। समया अख गव यॆलि कऺशीरि मंज़ दऺर्यऻय जॊलूस ओस वसान। ख़बर कऺन्सि याद आस्या किनॖ न, डेडि ॴस्य लागान दऺर्यावस अपारि यपोर बाहच़न प्यठ खऺस्य खऺस्य, ज़ूल ओस नॖ तॆलि ति यिवान कदलन प्यठ करनॖ। खऻर, यि प्रथा आयि शुरु करनॖ मुबारक छु करन वाल्यन तॖ वीडियो वुछन वाल्यन आसन पनॖन्यन ज़ख़मन ब्यॆयि अकि फिरि क्रऻल वऺथ्यमॖत्य 1990 यॆलि याद प्यॆयस ************************ कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव *********************** नऺविव तॖ फॊलिव भूषण कौल "दीप" (बूज़िव ॳज़्युक सबक़ म्यानि ज़्यॆवि ति) (यि सबक़ वुछिव podcast दऺस्य ति) https://anchor.fm/bldeep (यि सबक़ वुछिव koshursabak.blogspot.com प्यठॖ ति)