22.09.2021, ॴशिद (आश्विन/ ॳसूज) गटॖ पछ (कृष्ण पक्ष) द्वय (द्वितिय) ब्वदॖवार (बुधवार), श्री सप्तर्षि

22.09.2021, ॴशिद (आश्विन/ ॳसूज) गटॖ पछ (कृष्ण पक्ष) द्वय (द्वितिय) ब्वदॖवार (बुधवार), श्री सप्तर्षि सम्वत 5097, नक्षत्र रेव, राश मीन (चलान) ऋतु हरुद (शरद) (चलान),द्रठॖपऻन्च़ुक (पंचक) (चलान), चूंकि द्वय छि ज़ॖ गछ़ान ॳज़्युक वॊहरवोद यी पगाह, द्वय हुन्द पितृ पक्ष श्राद्ध यी ॳज़्य, पितृ मावसि दॊह याने (6.10.2021) दॊह यी पुनिम हुन्द श्राद्ध ति ********************** नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव ************************ महामऻरी नाश - मंत्र जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते ************************ यॊत ताम म्यॆ ज़्वन छु कऺशीरि मंज़ यिम ति सुबहॖच या शामॖच आरती करनॖ बापथ गणपतयार गछ़ान ॴस्य, तिम ॳस्य गणपतयार प्रांगनस मंज़ ख्वरबानॖ (यॆमिस यि लऻगिथ आसिहे, चपॖन्य, बूट, ख्राव बेतरी) ख्वरन मंज़ लऻग्यथॖय आरती करान। अल्बतॖ युस गणेश मन्दरस मंज़ अच़ान ओस या शिव लिंगस पोन्य बावनॖ बापथ तथ मन्दरस मंज़ अच़ान ॳस्य, तिम ॴस्य हेरि तल ख्वरबानॖ कऺडिथ अन्दर अच़ान। सामूहिक आरती ॴस्य खड़ा खड़ा ख्वरबानॖ लऻग्यथॖय करान। बकाया मन्दरस मंज़ ति ॴस यिहऻय प्रथा। मन्दर परिसरस अन्दर अच़नॖ ब्रोंठुय ख्वरबानॖ कडनुक रिवाज ओसनॖ। परबतॖ ति ओस यिवान ख्वरबानॖ बरस निशी हेरन तल कडनॖ। तुलमुलिस मंज़ यॊदवय व्यवस्था ॴस ख्वरबानॖ हलवायन निश थावनॖच ग्वडॖ ग्वडॖ, पतॖ आयि यि व्यवस्था तुलमुलि काठगरस न्यबर बनावनॖ तोति ॴस्य ॳस्य बटॖ च़ूरि छ़्यॆपि पनॖन्य ख्वरबानॖ दजि गंडिथ, मोमजामॖ लिफाफस मंज़ थविथ पानस सॗत्य सॗत्य पकनावान। कथ छि जऻरी *********************** कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव ************************ नऺविव तॖ फॊलिव भूषण कौल "दीप" (बूज़िव ॳज़्युक सबक़ म्यानि ज़्यॆवि ति) (यि सबक़ वुछिव podcast दऺस्य ति) https://anchor.fm/bldeep (यि सबक़ वुछिव koshursabak.blogspot.com प्यठॖ ति)