24.10.2021, कार्तिक (कतक) च़ोरम (चतुर्थी) आथवार (रविवार/ऐतवार) श्री सप्तर्षि सम्वत 5097, नक्षंत्र रो

24.10.2021, कार्तिक (कतक) च़ोरम (चतुर्थी) आथवार (रविवार/ऐतवार) श्री सप्तर्षि सम्वत 5097, नक्षंत्र रोहि, राश वृष (चलान) ऋतु (हरुद) शरद (चलान) अज़ छि संकट च़ोरम (संकट निवारण चतुर्थी) ति ************************ नमस्कार माहरा त्वहि सारिनी म्योन। त्वहि ऒरज़ुव दॊरकॊठ। वुद्यूग करव मुकाम प्रावव *************************** महामऻरी नाश - मंत्र जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते *************************** वकील गव केस लड़ान तॖ सरकार गव तरकस प्यठ तरक दिवान। समय गव नेरान तॖ मास्टरन हॖन्ज़ आशा गऺयि निराशाय मंज़ बदलान मगर ह्यमथ हऻरॖख नॖ। दपान केस नवि सरॖ अदालतस मंज़ लडनॖ बापथ प्यव यिमन मास्टरन नॊव वऺकील करुन, नवि सरॖ कोर्ट कचहरी हॖन्द्य दरवाज़ॖ खटखटावॖन्य, नॊव फीस वऺकीलस द्युन तॖ नवि सरॖ प्यॆयि यिमन मास्टरन पनॖन्य चन्दॖ खऻल्य करॖन्य। सरकारन दपान कऺर बडॖ कूशिश मास्टरन हुन्द यकुत फुटरावनॖ बापथ। लंडऻय रूज़ वारिहास कालस जऻरी।यपऻर्य दपान सऻदिक सऻबन ओस साफ़ साफ़ पऻठ्य वॊनॖमुत ज़ि 70:30 फी सदी न्यस्बत गछ़ि यिन्य वरतावनॖ नोकरीयन मंज़ या थज़ि तऻलीमि दऻखलन मंज़ याने 70 फीसद मुस्लमान तॖ 30 फीसद बटॖ, डूगरॖ तॖ सिख वगैरा। तनाव गव बडान मगर मसलस हल ति ओस नॖ जलदॖय नज़र यिवान। सरकार गव क़दम क़दम ज़ेनान तॖ मास्टर गऺयि क्रॆंजलि पोन्य सारान। बरादर ओस बडॖ संजीदगी सान तीज़मालि हॖन्ज़ कथ बोज़ान। ॴखरस अंद्योख त्या कॆंह किनॖ बऺल्य गोख जखनुय योत। बरादरन प्रुछ़ ब्यॆयि अख सवाल तीज़मालि। अंद्योख ति सऺही मगर वारियाह कॆंह प्योख च़ालुन ति। कथ छि जऻरी **************************** कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव *************************** नऺविव तॖ फॊलिव भूषण कौल "दीप" (बूज़िव ॳज़्युक सबक़ म्यानि ज़्यॆवि ति) (यि सबक़ वुछिव podcast दऺस्य ति) https://anchor.fm/bldeep (यि सबक़ वुछिव koshursabak.blogspot.com प्यठॖ ति)