24. þáttur - Hæglæti og innsæi - Hrund Gunnsteinsdóttir

Hvað er InnSæi? Hvað er að nota innsæi sitt? Hvernig ræktar maður innsæið og tengist því betur? Og hvernig tengist það hæglæti? Hrund Gunnsteinsdóttir hefur lifað afar áhugaverðu lífi. Hún rauk upp metorðastigann á þrítugsaldri, starfaði meðal annars í Kosovo eftir stríð við mannúðarstörf og bauðst æviráðning hjá Sameinuðu þjóðunum mjög ung að árum. Hún upplifði í kjölfarið áföll sem urðu til þess að hún sneri blaðinu við. Hrund Gunnsteinsdóttir hefur rannsakað innsæi í yfir 20 ár, gefið út heimildarmyndina InnSaei og bókina InnSaei. Hún gefur hér hlustendum Hæglætishlaðvarpsins tækifæri til að læra örlítið um rannsóknir sínar og aðferðarfræði þá sem hún hefur þróað, að nýta innsæið sem innri áttavita.Umsjónarmaður þáttarins er Þóra Jónsdóttir. Þetta er gott samtal sem vert er að hlusta vel á, jafnvel endurtekið, til að kafa vel ofan í pælingarnar og læra af. Það má kynna sér störf Hrundar frekar hér: Home | Hrund Gunnsteinsdóttir