26.09.2021, ॴशिद (आश्विन/ ॳसूज) गटॖ पछॖ (कृष्ण पक्ष) पऻन्च़म (पंचमी) देवादेव, आथवार (रविवार/ ऐतवार),

26.09.2021, ॴशिद (आश्विन/ ॳसूज) गटॖ पछॖ (कृष्ण पक्ष) पऻन्च़म (पंचमी) देवादेव, आथवार (रविवार/ ऐतवार),श्री सप्तर्षि सम्वत 5097, नक्षत्र कृति, राश वृष (चलान), ऋतु हरुद (शरद) (चलान), शॆयम हुन्द श्राद्ध यी ॳज़्य, पुनिम हुन्द श्राद्ध फाकॖ यी पितृ मावसि दॊह, याने (06.10.2021) *********************** नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव ************************ महामऻरी नाश - मंत्र जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते ************************ श्राद्ध पछ याने पितृ पक्ष रसॖम छि नॖ सिरिफ कऻशिर्य बटय योत वरतावान बऺल्कि यि रसॖम छि संसारक्यन ब्यॊन ब्यॊन जायन मंज़ ति यिवान निबावनॖ। व्यदी छि ब्यॊन ब्यॊन, वरतावनुक समय छु ब्यॊन ब्यॊन, ऱयथ, तिथि, वार वगैरा ति छि अख ॳकिस ज़ऻच़ निशि ब्यॊन। ॳस्य यॊदवय पननि समाजिच कथ करव, पितृन हुन्द यि श्राद्ध पछ छु शास्त्रॖ मुतऻबिक ॴशिद गटॖ पछॖ ऒक्दॊह प्यठॖ मावसि ताम आमुत मुक़र्रर करनॖ तॖ यस कऻन्सि पुनिम दॊह आसि देहान्त सप्दुमुत, शास्त्र छु वनान ज़ि तस्सुन्द श्राद्ध या श्राद्ध फाकॖ गछ़ि मावसि याने पितृ मावसि दुहुय युन करनॖ। यस मृतक सुन्द तिथि कुनि ति वजह किन्य याद आसि नॖ, तस्सुन्द श्राद्ध ति गछ़ि पितृ मावसि दुहुय युन करनॖ। पुनिम हुन्द श्राद्ध पितृ पक्ष लगनॖ ब्रोंठॖय करनॖच छॆ नॖ असि मंज़ कांह प्रथा। सऺदियव प्यठॖ छि आमॖच़ यि प्रथा चलान, यिहऻय छि ब्रोंहकुन ति पकनावॖन्य। कथ छि जऻरी। ************************ कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव ************************ नऺविव तॖ फॊलिव भूषण कौल "दीप" (बूज़िव ॳज़्युक सबक़ म्यानि ज़्यॆवि ति) (यि सबक़ वुछिव podcast दऺस्य ति) https://anchor.fm/bldeep (यि सबक़ वुछिव koshursabak.blogspot.com प्यठॖ ति)