#280 Það sem Ísland þarf að gera *FRÍR ÞÁTTUR*

Þessi þáttur er frír en komdu samt í áskrift á www.patreon.com/skodanabraedur Íslendingar þurfa að breyta um hugarfar á ýmsum sviðum að mati bræðranna, meðal annars að endurvekja gömlu góðu sjálfsmyndina, ef vel á að fara. Auk þess leggja bræðurnir til, að hætti Cató gamla, að Heiðari Guðjónssyni verði hleypt á hafsbotn að sækja olíu. Þetta segir Bergþór innblásinn af dvöl sinni í Oslóarfirði í hinum ríka Noregi, okkar fornu fósturjörð aftur í ættir. Umræður þessar spretta um leið af þeirri staðreynd sem nú er orðin lýðum ljós, að karlmenn hugsa mjög oft og mjög þungt um Rómaveldi. Þegar ég skrifa þetta man ég að við þurfum að fá Siffa G. í þáttinn. Önnur umræðuefni: Russell Brand og Edvard Munch og hvaðeina annað. Og tilkynning: Nú er ekki lengur vísað til Domino’s-vinstrisins, heldur Volt-vinstrisins, í anda nýs sendifyrirtækis í Reykjavík, þar sem sendlar harka á hefðbundnum reiðhjólum fyrir umburðarlynda símafíkla.