3gp."تاتشلهيت(تشلحيت) - "الابن الضال يجد والده

 TACHELHEIT (تشلحيت) - "Le fils perdu trouve son père".3gp / "Lost Son Finds Father".3gp // yuḥanna 1 1 illa‑wawal ġ‑isizwar n‑kullu ma‑illan. rbbi a‑dar‑illa‑wawal‑an, ig‑wawal‑an rbbi. 2 illa dar rbbi ġ‑isizwar, 3 srs a‑s‑iḫlq kullu ma‑illan. ur‑illi kra iḫlq‑t rbbi abla ityawḫlaq srs. 4 awal‑an a‑ġ‑tlla tudrt, tg‑tudrt‑an tifawt i‑mddn. 5 ar‑ttisfiw tifawt ġ‑tillas, imma tillas ur‑as‑sugirnt yat. 6 ikka‑ttin yan‑urgaz, yuzn‑t‑id rbbi, iga ism‑ns yuḥanna. 7 yuška‑d a‑ig inigi, ifk tugga f‑tifawt baš ad‑amnn kullu mddn f‑imi‑ns. 8 urd nttan a‑igan tifawt, walaynni yuška‑d a‑yakka tugga f‑tifawt. 9 ašku s‑ddunit a‑s‑ra‑d‑yašk ġwalli igan tifawt l‑lḥqq lli‑ittisfiwn f‑kullu mddn. 10 yuška‑d s‑ddunit, d‑srs a‑s‑ttyawḫlaq ddunit, walaynni ur‑t‑ukʷzn ayt‑ddunit. 11 yuška‑d dar wins, walaynni ur‑t‑rin mddn‑ns. 12 imma kullu winna‑t‑ranin amnn srs, ifka‑yasn lḥqq ad‑gn tarwa n‑rbbi. 13 ntni, urd s‑tlalit n‑waḥlig a‑s‑luln nġd s‑tayri n‑ddat nġd s‑tayri n‑urgaz, walaynni rbbi a‑tn‑igan d‑tarwa‑ns. 14 awal‑an iwrri iga bnadm, izdġ ġ‑gratnnġ, nẓr lmjd‑ns. iga lmjd n‑walli igan yan dar babas, tigat gis lbaraka d‑lḥqq. 15 yuḥanna ifka fllas tugga, yall awal‑ns yini: «ġwad a‑igan ġwalli‑s‑awn‑nniġ ‹ra‑d‑yašk tigira‑nu yan yugʷr‑iyi ašku illa ur‑ta‑lliġ.›» 16 nkkʷni kullwaġ, llant‑aġ lbarakat ggutnin zġ‑tuggt l‑lbaraka lli‑gis‑illan. 17 f‑ufus n‑musa a‑f‑d‑ityawfka ššrε, imma f‑ufus n‑yasuε lmasiḥ a‑f‑di‑tuška lbaraka d‑lḥqq. 18 rbbi, ur‑jju‑t‑iẓri yan, walaynni ġwalli igan yus yili‑bdda d‑babas, nttan ad‑aġ‑imlan mamnk a‑iga.