[46]. Nyishi Christian Song - Ngo Haikun -Tana Novin - Arunachal Pradesh..mp4

[46]. न्यीशी ईसाई गीत - न्गो हाइकुन -ताना नोविन - अरुणाचल प्रदेश..mp4 // 1 KORINTI 15 - Kristog Turab Kunam1Ngoqg vbw-bor tulu, ngo sija nulam ngo nulug agaho tugu pui bekin kunam mam ngo nulam bepadvn. Hoq puiyam nulv nvvrwqnum hoo ham mwwjw jwwxaml hvraqb doodu do. 2Hv sulak ngoqg nulug agaho tugu pui benam puiyv. Nulv ham nootul doog panyiloqkam nulv hoq galoqkv ywwt ywwnam mam kaapa tayin, hvbmab nyiloqkam nulug mwwjwnamv kam niqtuq dooma. 3Mwwjwngam xibin yaanam ngoqg gon kaapanam mam ngo nulam jisiq tukun, hoqhv dvrwqbo potalo xeqpwl apnam hvb Kristo ngulug nyic gab sinkun. 4Dvrwqbo potalo xeqnam hvb mwam nyubuho liiknum hoo aal loum deen aalho turab mvdwb jinum. 5Kokw so mwv Pitornvn la mwwg buu wyw leq vnyiam kaakinum. 6Kokw so mwv mwwg buu lwwg laleq agalo turab kunam mam lokub kaakinum. Ham kaanbov mvqlw yaanv sija godab turl dooxiqdo, tuugin sin kuba. 7Kokw so Jemsnvn la mwwg buu mwlwngam kaakinum.8Mwlwngam kokw jaqso ko bwwd maadab ko bwwnam hvb nyinbo akam mwv ngamkam kaakinum. 9Buu mwlwg pengko lo ngo mwlwngam anyo yaadwn. Ngo buungv hvl goqd bvkam simp gob nyima dvn, hoggab ngo Pwnbog dvrwq namlongam mvnyi-mviyanum. 10Hvbmabde Pwnbog anyako galoqkv sija ngo siib nyidwn. Ho Pwnbog ngam anya nyanamv niqtuq doomab bonam maanum. Hvb nyistvl, ngo mwlw buu mwlwngam laabo yaab, ator yab bonam nyibin yaatkun, hvbsujaqkam soq nyinam si ngo at galoqkv nyima, hvbmab Pwnbog anyangv ngoqg lvgab nyibanum. 11Hoqgab ngoqg galoqkv tapa jaqkam, bulug galoqkv tapa jaqkam, ngulv mwlwngv akinam bekar dvn, hoo nulv hoq akinam mwwjwto.