[47]. Adi Gospel Song - ABU CHOIR.mp4

[47]. Adi सुसमाचार गीत - अबू गाना बजानेवालों.mp4 // 1 KORINTH 15 - Kristoke Gerepkuname1Supak bíro kídía, noluke edíírupe míída sukeng ngokke nolum pobila delo nolute torík sunam tatpona dooyingem ngo popang kupe míídung. 2Nolukíng ngokke kíbi tonam Shédíke dooyingem edíírupe nolu jumgap dumílo sok dooying sok nolu turyéku. Demamílo, noluke míngkenge are kamang. 3Legade ngo ingkuem paatodí delok míngge yalum penamem nolukíng bilíkto, de Dooying kitab pokampe Kristo bí ngoluke paab legapemin sigekane. 4Delo bím yutuai, méélam dem Dooying kitab podulok longum nanem bím kiireptoku; 5kera yalumpe bí Pitorme lengkan toku, delokrongem luyilsuna íying kolang annyi dem lengkan sutoku. 6Delok legape, bí midum língko pilnguemteng bojé yangko lengkan sudo atelem lengkan sutoku, ayokone ipnyok kaabong idokom buluke alume supak pete duudung. 7Méélamdem bí Jemsme delokrongem tomlíknam takamlo lengkansuto. 8Delokke méélam yalumpe bí obayimape onam kísana ngomteng lengkansuto. 9Kapeila ngo tomlíknam kídí lokke rumkí yalum amiko delokke tomlíknam amipete ibaa manako, kapeila ngo Shédíke mondoliem irééto. 10Idakkom Shédíke ayang kolok ngo supakpe ngope idung, delokke bíkke yanggonge ngom agér bimape imang Ma, ngo bulum takam empenem gérduk yato, depe dokom de ngomang, idakkom ngokkíng duumín gena Shédíke yanggong emin. 11Demílo ngo dokom, bulukom, si ngoluke pogoo binamde, delokke noluke arue emla míngkuname.