[48]. Thado(Kuki) Gospel Song - "Jesu ngailutna" - Hopeson Gangte.mp4

[48]. थडो (कुकी) गॉस्पेल गीत - "Jesu ngailutna" - "जेसु नगैलुत्ना" - होप्सन गैंगटे.mp4 // 1 CORINTH 15 - Christa Thodoh1Vo sopite, kahetsah nahiuve, najah uva kalhangsap Kipana Thupha chu san jong nasanu ahitan, chujongle hia chu nadinu ahitai; 2Najah uva kathu lhangsap chu nachin jingule, hichea chu huhhing-a um nahitaove; chuti ahi lou vangle natahsanu chu moh ahi. 3Ajeh chu amasapena Pathen lekhabu dungjuija eiho chonset jala Christa thia ahitai, ti thuhil pipen kamu chu nangho kapehdoh ahitai; 4Chule ama avuijun, ani thumnin Pathen lekhabua kisei dungjuijin athoudoh kittan ahi. 5Chuin ama Cephas henga akilah masapenin, chuin somleni ho henga. 6Chujouvin mi janga valjen sopiteho henga khatvei lah-in akilah-in ahi; amaho atamjo tu gei hin aum nalaijui, akimkhat vang a-imu taove. 7Chuin Jacob henga akilah-in, chujouvin solchah ho chengse henga akilah-in ahi. 8Akhonna-in aphat louva peng tobang keima henga ahung kilah-in ahi. 9Keima solchah ho lah-a alhumpen kahin, chule Pathen houbung kabolset jeh chun solchah min pu dinga jong kilom kahipoi. 10Ahivangin Pathen lungset vangin kahibep chu kahinai; chule ama lungsetna eitona chu moh-in aumpoi, amaho chengse sangin katong gim jon ahi; ahivangin keima kahipoi eiumpia, Pathen lungsetna chu ahibouve. 11Ahinla keima kahin, amaho ahiuvin, hitia chu thupha chu samphong cheh kahiuvin, nanghon chutia chu natahsanu ahitai.