53º Programa Entrelazados [3º - 3T]

Programa Entrelazados Nº 53, programa divulgativo en lingua galega, na canle 93.9 da FM, na RâdioFilispíM, a radio libre e comunitaria da terra de Trasancos. Na locución e coordinación, este que vos fala, Xurxo Gago. Dende os estudios do Colectivo Opaii, da rádiofilispiM, neste terceiro programa da terceira temporada comezamos coa canción Semente de vencer de Sés incluída no seu novo disco Opoñerse á extinción. Escoitamos a sección de apuntamentos de lingua galega, nesta ocasión [Toponimia e antroponimia], logo ao catedrático Xosé M. Dobarro na sección reminiscencias do noso pasado na segunda parte da súa narración sobre o limiar das Irmandades da Fala. Escoitamos a Ruxe ruxe coa súa canción Botarse a andar, canción incluída no seu traballo "20 segundos" (de Lobicán Records 2016). Teremos a habitual sección de Carmen Sixto O Cantor de Jazz, o tema de hoxe [Personaxes Memorables] e rematamos coa sección de Eugenia Sanmartín, Músicas de Brasil e Outras Terras. Lembrar que para contactar co programa, tedes as seguintes vías: Email [email protected], twitter @EntrelazadosRF, e por teléfono 981371040. Para escoitar o programa en directo sintonizade o dial 93.9 da FM ou conectade vía streaming dende o blog opaii.blogspot.com. Ademais convídovos a visitar a web http://agora.gal/podgalego/ onde poderedes escoitar todos os programas emitidos e moitos máis podcast en lingua galega.