[58]. Dimasa Gospel Song - "We Come, We Come".mp4

[58]. दिमासा गॉस्पेल गीत - "Phaidu Phaidu"- "हम आते हैं, हम आते हैं".mp4 // 1 KORINTH 15 - Krista baijaphinyaba1Daphlungrao, duha nisi niha hamba graojma ang thi phaiyaba khe nisi mai kha, odehe lonma ha nisi songyaba khe nisi ne khna ri phin ma ang nangjao du. 2Bo hamba graojma nisi ne ang khna riba khe nisi gejeb thi thi rempha kha de nisi sogojao ma se. Thikhabo nisi gejeb thi thi remphaya kha de, nisi ni lonma haglai ja ma se. 3Grao nangdaothao ang maiyaba khe nisi ne ang thi du: Krista de Madai ni laisi ni grao lai ning jing phaphirao ni khlai hi bo thih hi, 4bo phipjao dada, Madai ni laisi ha dong ba lai ning bo de saintham ha baijaphin hi, 5Kipha niha bo nujao hi, jhigin buthu nihabo bo nujao ba. 6Boni yaohon ha se phinsi ha daphlung rja bowa thane bangdaoyaba buthu niha bo nujao hi, bo buthu ni bising ha bangdao hi hamhi ning dong, thikhabo gejesi de thu lang la kha. 7Odehe Jakob niha nujao hi, boni yaohon ha se khrip haijaoyasarao niha bo nujaophin ba. 8Bo yaohonthao hade, boni bubli soya hi hajaiba lai ani habo bo nujaophai ba. 9Ang de dangyasarao ni bising ha khasidao thaoyaba, Madai ni longjom khe ang dukhu ri bani dangyasa jama nebo ang gathaya. 10Thikhabo, ang asaba ja khabo Madai ni khasaoma jang se ang ja ba, ani gede boni khasaoma haglai niya, thikhabo ang bonsi khrip thanebo dukhubo khlai kha, thikhabo ani ha dongyaba Madai se dang ba. 11Odebani, angbo, bonsibo olei ning jing thi re, nisi bo olei ning lon la kha.