66 - Futbol va iqtisodiyot: tadqiqotlar va jahon chempionati

Ushbu epizodni qisqa qilib "Ergash Karimov effekti va Hojiboy Tojiboyev xotirasi" deb nomlasak ham bo'ladi. Jahon chempionati boshlanar ekan, futbolning miqyosi, uning nafaqat jahon iqtisodiyotiga ta'siri, balki ijtimoiy va madaniy o'rni haqida gaplashdik. Bu epizod faqat futbol haqida emas. Nima uchun iqtisodiyot va moliya yo'nalishidagi tadqiqotlar uchun futbol foydali? Chunki u iqtisodchilar orzu qiladigan narsani beradi: eksperimental laboratoriya. "Fond bozori milliy jamoaning yutqazishidan keyin tushishi mumkinmi, maktab o'quvchilarning imtihon natijalariga, oilaviy zo'ravonlikka futbol ta'sir qiladimi, penalti - von Neumann minimax teoremasining yagona real hayotdagi isbotimi" kabi savollarga javob beradigan tadqiqotlar haqida gaplashdik. Shu bilan birga, chipta bozori, dinamik narxlash, FIFA, va albatta O'zbekistonning tarixiy birinchi qatnashishi haqida ham gaplashdik. Podkast epizodi hamkori: "Juru". "Juru" Markaziy Osiyo va Kavkazdagi yetakchi xalqaro konsalting va muhandislik korxonasi bo'lib, uning maqsadi barqaror rivojlanishni ilgari surishdir. https://juru.org/about-us Podkast yozilgan sana: 11 iyun 2026 yil.