[8]. 3gp."تغني الكنيسة الجزائرية - "كل الجنة تعلن" في منطقة القبايل

[8]. L'église Algérienne Chante - "Tout le ciel déclare" en kabyle.3gp / Kabylie Church Worship.3gp // 1 Corinthians 15 1 A wen-d-smektiɣ ay atmaten Lexbaṛ n Lxiṛ i wen-d-beccṛeɣ, win akken i tqeblem yerna tḥerzem-t ; 2 s Lexbaṛ-agi n Lxiṛ i tettwasellkem ma yella tettebɛem-t akken i wen-t-id-nniɣ, neɣ mulac liman-nwen am akken d aḍu. 3 Slemdeɣ-awen di tazwara ayen i lemdeɣ nekkini: Lmasiḥ immut ɣef ddnubat-nneɣ akken yella di Tira ; 4 ittwamḍel, yuɣal-d ɣer tudert ass wis tlata, akken i t-d-nnant Tira. 5 Iban-d i Buṭrus, mbeɛd i tnac n imcegɛen. 6 Rnan walan-t daɣen kteṛ n xems meyya n watmaten deg yiwet n teswiɛt ; aṭas deg-sen mazal-iten ddren ar tura, ma d kra deg-sen mmuten. 7 Yerna iwala-t Yeɛqub aked imcegɛen meṛṛa. 8 Mi t-walan akk, walaɣ-t iḍher-iyi-d daɣen i nekkini yellan d ulac. 9 Nekk, illan d aneggaru akk deg imcegɛen, ur uklaleɣ ara ad ttusemmiɣ d amceggeɛ axaṭer lliɣ ttqehhiṛeɣ tamezgida n Yillu. 10 S ṛṛeḥma n Yillu i wwḍeɣ ɣer wayen akka i lliɣ tura ; ṛṛeḥma i yi-d-ifka ur tṛuḥ ara deg ulac, lameɛna uɣaleɣ xedmeɣ akteṛ-nsen meṛṛa, mačči s yiman-iw, meɛna s ṛṛeḥma n Yillu yellan yid-i. 11 S wakka ihi, ama d nekk ama d netni, atah wayen i nettbecciṛ yerna d ayen swayes i tumnem.