A Hora Charrante 18

Ola ola!! A sem­ana zaguera faciemos un pro­grama bil­ingüe de aragonés y anglés. Pero ista sem­ana quere­banos deixar bien platero, que Aragón ye tril­ingüe! Y o nue­stro con­vi­dau cata­lanofa­blant d’ixo en sabe muito! Con­te­mos con a gran pres­en­cia de Guindi­man, que fa o pro­grama Estrel­la­dos, en ista misma casa, Radio Topo. Totz os chueves de 8 a 9 en La Vía Lactea en directo. Un Radio Bar Show que no tos deixará indifer­ents, risas aseguradas! Antiparti d’ista gran pres­en­cia, teniemos como de cutio una Noti­ci­eta Alparcera muit mist­ica, ¿fetz alcor­danza d’a cinta Año Mar­i­ano? Pues ista veg­ada ye estada en realidat. Tornó a sec­ción A Ver­dat Dezaga d’os Artis­tas an ascuite­mos a ver­dadera his­to­ria d’a colla mosi­cal Earth, Wind & Fire, y no la que gosan de vender-nos por os medios pub­li­cos, prou que sí, con una grabación orichi­nal d’ixas envueltas, an se puet ascuitar a o can­taire can­tando en a suya luenga materna. Y pa rematar o pro­grama, o nue­stro con­vi­dau, Guindi­man, nos contó un poquer que fa en o suyo pro­grama y nos racontó una his­to­ri­eta prou pin­cha, de raso en catalán. Ya que le tenebanos en a radio, pasó por a nues­tra prueba De Can­tas No’n Entiendo y se fotió uns berri­dos buenos. Como ya sabetz, cada veg­ada que femos ista sec­ción, sorteamos una braga de Radio Topo, teniemos dos gri­tadas, una d’ellas con l’aparición estre­lar d’o Tio Vadillo, viello conoixiu d’ista casa por os suyos cameos en o pro­grama chir­mán Fendo Orella. Y l’atra gri­tada, a ganadora, Natalia d’as Sicarias del Cierzo, que se leva pa o suyo cuello una braga prou pin­cha de color vio­leta, que la disfrutes! Salut!