【阿郎台語小詞典】EP. 03-準講｜Chún kóng｜白話字(pe̍h-ōe-jī)字幕

【A郎台語小詞典】 EP. 03-準講/Chún kóng 訂閱做工á人Youtube頻道：https://www.youtube.com/@chokangalang 完整ê漢羅／POJ對照文稿khǹg ti官方網站：https://cho-kang-a-lang.github.io/ 【漢羅】 今á日咱beh講ê詞是準講，chit塊詞ê意思to̍h是假影講，設使講，seng當做tāi-chì是án-ne。「Nā準講伊無beh參與，咱to̍h ka-tī來進行，好--無？」Tī chia to̍h是seng假設1 ê條件，nā發生，beh計畫koh來ài如何應對。 準mā有tio̍h、正確ê意思，像講「你講tio̍h真準，koh有影落雨--ā。」Nā講，「Koh真正hō͘我料kah準準準！」Mā是kāng款ê用法。 準mā有當做是ê意思，「準tú好。」「準soah！」「Hú-hú--leh準tú soah！」To̍h是當做tú好，當做soah--ah ê意思，頂面3句，一般是用tī tāi-chì khah無ha̍h人意，m̄-koh mā無ài koh繼續觸纏，beh kā chit件tāi-chì斷ho͘ lī，無ài chhap--ah，chiah leh講ê話。Nā講「酒準茶leh lim。」「藥á準糖á leh食。」Chia ê準lóng是當做是ê意思。 最後，準koh有允准ê意思，像講「公司準我chhéng 1禮拜ê假，khí-mo͘有夠giang，我beh來去消遙--ā。」 -- Hosting provided by SoundOn