【阿郎台語小詞典】EP. 06-變｜Pìⁿ︱白話字(pe̍h-ōe-jī)字幕

【A郎台語小詞典】 EP. 06-變/Pìⁿ 訂閱做工á人Youtube頻道：https://www.youtube.com/@chokangalang 完整ê漢羅／POJ對照文稿khǹg ti官方網站：https://cho-kang-a-lang.github.io/ 【漢羅版】 變有2種意思，咱seng來講片頭主持人有講--tio̍h ê「死bē變」。Chit ê變，to̍h是改變ê意思。Gín-á時，m̄讀冊，ài chhit-thô，考試不時to̍h考kah hê-hê-hê，nā到厝hō͘ pē-bú看考試紙，to̍h ē hông mē講：「講bē聽，死bē變！」「變面」、「變siàng」kāng款lóng有改變ê意思。Chit ê變siàng，凡勢ta̍k-ê khah m̄-bat聽，咱用1 ê例來解說。「最近A雄lóng三更半暝chiah到厝，koh kui seng-khu lóng臭酒味，leh變siàng--ah，你to̍h注意！」To̍h是leh講A雄ê個性a̍h是行為改變真大！Koh 1句「食老chiah leh變siàng！」Mā chhiāⁿ聽人leh講。 Koh 1種是bú、做ê意思。「你tī hia teh變sáⁿ？」「To電風歹--去，beh變看ē好--無？」Koh講1 ê例，「你錢nā ka hān--leh，伊to̍h變無báng--ah，免siuⁿ煩惱！」其他--ê koh有「變東變西」、「變kui kang」、「變無路來」、「變鬼變怪」、「變猴lāng」。Chit ê變延伸ê話實在kài chē，你ē-hiáu講幾種？真好用ō͘！ -- Hosting provided by SoundOn