【阿郎台語小詞典】EP. 07-Tǹg胸坎｜Tǹg-heng-khám｜白話字(pe̍h-ōe-jī)字幕

【A郎台語小詞典】 EP. 07-Tǹg胸坎/Tǹg-heng-khám 訂閱做工á人Youtube頻道：https://www.youtube.com/@chokangalang 完整ê漢羅／POJ對照文稿khǹg ti官方網站：https://cho-kang-a-lang.github.io/ 【漢羅版】 今á日咱beh紹介ê詞是「tǹg胸坎」。這ê tǹg ê意思其實有幾lo̍h種，頭起seng，咱來看故事內底所講--ê，「1手tǹg胸坎」，tī chia，tǹg to̍h是用手出力tûi ê意思，咱koh講1 ê例，「氣kah tǹg桌仔」，to̍h是出力tûi、phah桌仔，總講to̍h是對1 ê平面ê物件出力去接觸，像講「tǹg脚」，to̍h是受氣ê時，脚去出力chàm土脚。最後講1 ê例，「He物件hiah重，m̄-thang用tǹg--ê，輕輕á hē，無桌á ē hō͘你tǹg歹--去。」Nā用tǹg chit ê動作，一般ē phŏng--1-ē大大聲án-ne，nā用khǹg--ê to̍h khah無聲。 Koh 1種是hiông-hiông坐--落-去，像講「伊hiông-hiông頭眩目暗，khiā bē chāi，人chŏaⁿ tǹg tī土腳peh bē khaih。」Mā有其他ê用法，像講「Nā有kiáu thang poa̍h，伊tǹg--leh to̍h m̄走--ah。」Chia ê意思是講，真痴迷，坐--leh to̍h m̄離開án-ne。 Tǹg koh有tǹg印ê意思，像「tǹg印á」、「tǹg手模」、「tǹg票」這款--ê。主要to̍h是有1 ê模á，ka ùn色，印去咱beh印ê所在án-ne。 -- Hosting provided by SoundOn