【阿郎台語小詞典】EP. 09-Gâu｜白話字(pe̍h-ōe-jī)字幕

【A郎台語小詞典】 EP. 09-Gâu 訂閱做工á人Youtube頻道：https://www.youtube.com/@chokangalang 完整ê漢羅／POJ對照文稿khǹg ti官方網站：https://cho-kang-a-lang.github.io/ 【漢羅版】 咱今á日來講gâu，gâu有真厲害，真khiàng ê意思。親像人tāi-chì做了bē-bái，真成功，咱to̍h ē去kā伊o-ló講：「有夠gâu！」我國校á hit chūn，leh kah朋友sńg ê時，ûn-ná tiāⁿ-tiāⁿ ē講tio̍h chit句：「真gâu！眞gâu！出國比賽！」M̄-chai ta̍k-ke kám bat聽--過？想--起-來有影kài心適。Nā是有人bē博假博，咱mā ē-tàng叫伊「mài假gâu」。 Koh 1種狀況是leh講，人對某mih tāi-chì真內行，真有研究，咱mā ē-tàng用gâu來講，親像，「gâu唱歌」、「gâu讀冊」「gâu趁錢」án-ne。M̄-koh有時mā ē用tī khah負面ê所在，像講「gâu sái-lāng」、「gâu彎話」、「gâu食錢」。 Siōng尾1款情形，to̍h是比較tek ê khah ē發生ê tāi-chì。直接用例來解說to̍h khah好理解：「Gín-á人to̍h ài食ho͘飽，睏ho͘好，chiah ē gâu大！」「寒流nā來，ài穿ho͘燒，無to̍h ē真gâu感--tio̍h。」「我真無頭神，mi̍h-kiāⁿ kài gâu phàng-kiàn 。」 -- Hosting provided by SoundOn