【阿郎台語小詞典】EP. 11-赴｜Hù︱白話字(pe̍h-ōe-jī)字幕

【A郎台語小詞典】 EP. 11-赴/Hù 訂閱做工á人Youtube頻道：https://www.youtube.com/@chokangalang 完整ê漢羅／POJ對照文稿khǹg ti官方網站：https://cho-kang-a-lang.github.io/ 【漢羅版】 以下內容是漢羅kah白話字原稿，有需要歡迎ta̍k-ke來參考。 今á日咱beh來稽考chit字赴。赴有去、前往ê意思。有1句話kài出名，to̍h是「關雲長單刀赴會」，1 ê人，1枝刀，to̍h敢去對敵ê兵營，實在好膽。當然故事lóng ē講kah khah hàm，無nah ē刺激，人nah ē ài聽，tio̍h--無？「赴任」、「赴死」，kah咱故事內底講--ê，「m̄知是趕beh赴去tó位」ê赴，lóng是kāng意思。 Koh來「ē赴」、「bē赴」咱to̍h真四常teh講。Che主要是有1 ê時間ê因素teh影響，時間內ē到，叫做ē赴，nā超過hit ê時間，to̍h叫bē赴。話ē-tàng án-ne講：「我6點to̍h ài出門，ài趕beh赴6點半ê火車。」Koh來koh講1 ê例：「A霞mî-á-chài to̍h beh嫁--人-ah，你chit-má chiah beh去ka ko͘-chiâⁿ，ǹg-bāng伊ē回心轉意，che kám ē赴市？」「我無piàⁿ--1-ē nah ē甘願！」咱tī電影chhiāⁿ-chhiāⁿ ē看tio̍h chit lō劇情，in 2人kám有法度做夥？M̄是看月老，mā m̄是看運命，窮實lóng總是編劇teh決定！ -- Hosting provided by SoundOn