【阿郎台語小詞典】EP. 17-款｜Khoán｜白話字(pe̍h-ōe-jī)字幕

【A郎台語小詞典】 EP. 17-款/Khoán 訂閱做工á人Youtube頻道：https://www.youtube.com/@chokangalang 完整ê漢羅／POJ對照文稿khǹg ti官方網站：https://cho-kang-a-lang.github.io/ 【漢羅版】 Chit字款窮實有幾lo̍h ê意思，咱先來看tī故事片頭所講--tio̍h ê「落山款ho͘ chiâu」，chit jiah ê款，是整理、備辦ê意思，to̍h是講ài 1遍tī山脚ê店買kah有夠額，chhoân ho͘ chiâu-tio̍h，nā無轉去到山頂koh beh落山，to̍h真費氣。像講：「Beh食飯--ā，桌á去款款--leh to̍h來phâng菜。」Chia mā是kāng意思。 Nā聽tio̍h講，「大人大種--ah，koh hiah bē定tio̍h，實在是有夠gín-á款。」Che to̍h是leh講人sêng gín-á án-ne，無1 ê大人ê樣，款tī chia，to̍h是模樣ê意思。「Beh落雨ê款。」「伊beh來ê款。」「M̄是款。」Lóng是kāng款ê用法。 Koh 1種，to̍h是種類ê意思，che咱to̍h tiāⁿ leh講，提供2 ê例來hâm ta̍k-ê做參考：「人有百百款。」「Goán鉛筆有真chē款neh！Lóng排tī chia，你ta̍uh-ta̍uh-á看，ta̍uh-ta̍uh-á揀。」 -- Hosting provided by SoundOn