【阿郎台語小詞典】EP. 19-紅幻｜Âng-hóaⁿ︱白話字(pe̍h-ōe-jī)字幕

【A郎台語小詞典】 EP. 19-紅幻/Âng-hóa 訂閱做工á人Youtube頻道：https://www.youtube.com/@chokangalang 完整ê漢羅／POJ對照文稿khǹg ti官方網站：https://cho-kang-a-lang.github.io/ 【漢羅版】 今á日咱beh紹介ê語詞是紅hóaⁿ，tī咱beh紹介紅hóaⁿ進前，咱seng來講chit字hóaⁿ。Hóaⁿ有霧霧、無清楚、暗淡、暗暗ê意思。咱台語nā teh形容mi̍h-kiāⁿ，chhiāⁿ-chhiāⁿ ē 2字tha̍h做夥講，m̄-koh，講--起-來mā真奇怪，2字相tha̍h--ê，teh形容ê力草soah比孤1字--ê khah輕，咱ē-tàng來比較看māi--leh，像講烏kah烏烏，我to̍h感覺烏烏khah無烏hiah nī烏， 顛倒3字kāng字--ê tha̍h做夥是siōng強調--ê，kài趣味ê現象hoⁿh，m̄-koh咱tha̍h字盡pōng to̍h到3字niâ，無hit款4字相tha̍h--ê。 月hóaⁿ-hóaⁿ，是teh講月娘暗淡、朦朧、nā講天hóaⁿ-hóaⁿ to̍h是烏陰烏陰，a̍h是天已經beh暗beh暗--ah án-ne，烏hóaⁿ，to̍h是烏烏koh暗暗，一般是用tī天色，咱ē-tàng講：「Che天烏hóaⁿ-á烏hóaⁿ neh！」 最後，1寡色水ê分類mā有講hóaⁿ，親像pe̍h-hóaⁿ，to̍h是leh講白phú-á白phú ê感覺，黃hóaⁿ，to̍h是淺淺ê黃色，hit ê黃，無到黃檸檬hit款黃gìm-gìm ê黃hiah黃，nā用畫水彩來做例，to̍h是擠1點á黃色ê水彩，koh thàu真chē水chiah去畫--出-來ê色，色薄薄--á。另外，咱tī故事內底有講--tio̍h ê紅hóaⁿ-á紅hóaⁿ，to̍h是小可á紅，粉紅á粉紅，歹勢歹勢面帶紅，ia̍h to̍h是戀愛中ê少女ê代表色。 -- Hosting provided by SoundOn