【阿门粤语课第255期：无端白事（）

【阿门粤语课第255期】今日句子：讲起西关大屋，关于佢嘅门面呢，有住一个好得意嘅古仔喎。西关大屋嘅矮脚双扇门，俗称“脚门”。脚门嘅由来，据讲系同严嵩有关嘅。当年严嵩用蜜糖搽喺花园嘅松树上面，惹咗啲蚂蚁，组成咗“永不斩松”四个字。严嵩引住嘉靖皇帝去到园中，皇帝发现树上嘅字眼，都不禁读咗起身。喺北方话里面“嵩”同埋“松”系同音，严嵩立即就下跪谢恩。后嚟严嵩谋反之事畀海瑞揭发，嘉靖皇帝欲斩严嵩，但碍于当日嘅金口良言“永不斩嵩”。唯有将其流放到羊城，赐佢金饭碗一隻，称作“奉旨乞食”。羊城百姓都痛恨其劣行，个个关门闭户，扮晒屋企冇人。但系关门家中空气又唔流通喔。后嚟呢有个能工巧匠设计咗一个仅有一人高嘅矮脚门，可以作遮掩，等严嵩睇唔到屋企系咪有人，又唔阻通风。呢种脚门，人们都纷纷效仿安装，严嵩最后乞讨唔到食物就饿死啦。脚门后嚟成为咗广州一带民居门面嘅常见之物，特别系西关大屋，一定少到佢吾到嘅。历史的今天：大陆男歌手薛之谦出生1983年7月17日 今日俗语：【无端白事】[mou4 dyn1 baak9 si6] 无缘无故。也作“无情白事”。