A poeta Mª Luisa Mora Alameda, presenta 'Simulacro cero', premio Nicolás del Hierro, no Sombreiro.

No Sombreiro mantemos conversa telefónica coa poeta toledana, natural de Yepes, María Luisa Mora Alameda, quen ven de publicar o poemario "Simulacro cero", obra gañadora da XVI Edición do Premio Nicolás del Hierro (editado en Colección Yedra, Ayuntamiento de Piedrabuena, Diputación de Ciudad Real, 2014). Esta gran dona das letras, Premio Adonais 1993 polo seu poemario "Busca y captura", ten unha extensa obra en verso, que ven de recollerse na antoloxía "El pan que me alimenta". Mª Luisa Mora, é unha autora testimonial, das emocións vividas e do cotidián, cun estilo directo, sen artificos, coma reza o titulo do devandito poemario: "sen simulacros". Foi agasallada asimesmo con título e medalla pola Real Academia de Bellas Artes y Ciencias Históricas de Toledo. No Sombreiro agradecemos a deferencia da nosa convidada ao concedernos esta entrevista en exclusiva, a segunda xa, dende que presentaramos "El don de la batalla", X Premio Nacional de Poesía "Ciega de Manzanares", fermosísimo poemario dedicado á súa filla Verónica, e que acada xa a súa 3ª edición con Vitruvio. No Sombreiro agardamos poder ter a Mª Luisa Mora algún día na nosa terra, e entrevistala nos estudios de Radio Obradoiro, con todo o respecto e cariño que nos inspira pola súa grandeza coma poeta e como persoa.