A Xanela das Fucas Nº 4 (18-11-2017)

Logo dun tempo de silencio A xanela dás Fucas regresa ás ondas, para analizar de novo o que está pasando na contorna da muller. Está próxima a celebración do 25 de Novembro ( Día Internacional da Eliminación da violencia contra a Muller) polo que é necesario recordar o porqué desta celebración. Escoitamos as palabras do documental rodado na Republica Dominicana que fan presente ás Irmás Mirabal (Patria, Minerva e María Teresa), as Bolboretas. Non podemos deixar pasar por alto o que esta pasando no xuízo da “manada” pola violación nos San Fermines. Tamén se fala do Tribunal de Mulleres Contra a Violencia de Xero que se celebro o 3 de Novembro no Congreso dos Deputados de Madrid. Felicitamos a Rosa Méndez a primeira muller en España presidenta do CSIC e apúntanse os diversos actos que se celebrarán desde as distintas asociacións o 25 de Novembro en Ferrolterra. Non podemos esquecer as 50 mulleres asasinadas no que vai de ano, nin os 5 fillos e fillas durante este 2017. Fucas que participan: Inés Bouza López, Chelo Carballal Balsa, Esperanza Vidal Mtnez, Lucia Vizoso Amado; Como Padriños Vicente Irisarri Castro e Pepe Cuña. A música que escoitamos: A sintonía do programa La vida es bella (La Vita E Bella) de Nicola Piova; Documental: As Mariposas, As irmans Mirabal; Dignificada (Lila Downs); A paz esquiva (SES).