🎧阿政先講臺灣｜鹿角還狗舅

🐶🦌 古早神話傳說：狗是狼ê阿舅。古老溯古以來，鹿哥、狗舅、雞公本成是好朋友。斯當時狗舅ê頭殼頂有兩支角，顛倒鹿仔無發角。鹿仔誠欣羨狗舅頭頂彼兩支ê角，不時都求狗舅共角借伊戴，不而過狗舅攏毋肯。所致，鹿哥揣雞公替伊苦勸狗舅答應借伊戴看覓，雞公熱心，就向狗舅保證一定會共角討轉來還--你。🦌 鹿哥借角無欲還啥知？鹿哥角借著手，煞覕起來無欲還。狗舅三番兩次揣雞討角。雞公嘛無奈何，只好逐工透早拍殕仔光就大聲啼叫：「鹿角還狗舅！」向世間人公開鹿哥借狗角無欲還ê見笑代。🐔 雞啼聲ê由來從此以後，逐工透早雞啼ê時，攏會喝：「鹿角還狗哥！」但是攏一直無下落；所以，見若狗仔看著雞仔，攏會逐欲共咬，毋放伊煞。因為狗舅欲向雞公共「狗角」討轉來ê緣故。📖 有關「舅」ê台灣俗語▪️ 天頂天公，地下母舅公。▪️ 母舅公，較大三界公。▪️ 外甥食母舅，親像食豆腐；▪️ 母舅食外甥，若像食鐵釘。🎙️阿政先講臺灣主持人：董峯政🎙️台灣閩南語我嘛會主持人：鄭安住*台灣閩南語我嘛會系列為2017年製播節目，內容保留當時使用之名稱與介紹文字，供聽眾了解節目原始製播樣貌。#一週五分鐘，臺語你嘛通！#每週六阿政先講臺灣#每週日台灣閩南語我嘛會#喜歡台語的朋友，請多多幫我們五星評分鼓勵喔！☆若您對本頻道節目有任何疑問或建議，請e-mail 至：[email protected]｜Spotify｜Google｜KKBOX｜Firstory｜SoundOn搜尋訂閱：做伙學台語-----🎙教育電臺🎙📻官網:https://bit.ly/39ISswV🔗粉絲團:https://bit.ly/nerpodcastlink🛜Youtube頻道:http://bit.ly/3TOGfx4 Powered by Firstory Hosting