ਆਸਟ੍ਰੇਲੀਆ ਦੇ ਮਾਈਨਿੰਗ ਉਦਯੋਗ ਵਿੱਚ ਮਹੱਤਵਪੂਰਨ ਖੋਜਾਂ ਬਦਲੇ ਭਾਰਤੀ ਮੂਲ਼ ਦੇ ਡਾ. ਆਨੰਦ AM Medal ਨਾਲ ਸਨਮਾਨਿਤ

‘ਆਸਟ੍ਰੇਲੀਆ ਡੇਅ’ ਮੌਕੇ ਗਵਰਨਰ ਜਨਰਲ ਵੱਲੋਂ ਐਲਾਨੇ ਗਏ ਰਾਸ਼ਟਰੀ ਪੁਰਸਕਾਰਾਂ ਵਿੱਚ ਭਾਰਤੀ ਮੂਲ ਦੇ ਪ੍ਰਸਿੱਧ ਭੂਮੀ ਵਿਗਿਆਨੀ ਡਾ. ਰਾਵਿੰਦਰ ਰਾਜ ਆਨੰਦ ਦਾ ਨਾਮ ਵੀ ਸ਼ਾਮਿਲ ਹੈ। ਹਿਮਾਚਲ ਪ੍ਰਦੇਸ਼ ਵਿੱਚ ਜੰਮੇ ਅਤੇ ਪੰਜਾਬ ਖੇਤੀਬਾੜੀ ਯੂਨੀਵਰਸਿਟੀ, ਲੁਧਿਆਣਾ ਦੇ ਪੂਰਵ ਵਿਦਿਆਰਥੀ ਰਹੇ ਡਾ. ਆਨੰਦ ਨੂੰ ਅਰਥ ਸਾਇੰਸ, ਖਣਿਜ ਸੰਸਾਧਨਾਂ, ਰੇਗੋਲਿਥ ਐਕਸਪਲੋਰੇਸ਼ਨ ਅਤੇ ਜਿਓਕੈਮੀਸਟਰੀ ਦੇ ਖੇਤਰ ਵਿੱਚ ਕੀਤੀਆਂ ਮਹੱਤਵਪੂਰਨ ਸੇਵਾਵਾਂ ਲਈ ‘ਮੈਂਬਰ ਆਫ਼ ਦਿ ਆਰਡਰ ਆਫ਼ ਆਸਟ੍ਰੇਲੀਆ’ (ਏਐਮ) ਨਾਲ ਸਨਮਾਨਿਤ ਕੀਤਾ ਗਿਆ ਹੈ। ਪਿਛਲੇ ਕਰੀਬ 45 ਸਾਲਾਂ ਤੋਂ ਪਰਥ ਵੱਸਦੇ ਡਾ. ਆਨੰਦ ਨੇ ਐਸ ਬੀ ਐਸ ਪੰਜਾਬੀ ਨਾਲ ਖਾਸ ਗੱਲਬਾਤ ਦੌਰਾਨ ਆਪਣੀ ਖੋਜ ਯਾਤਰਾ, ਤਜਰਬਿਆਂ ਅਤੇ ਨੌਜਵਾਨਾਂ ਲਈ ਕੀਮਤੀ ਸੁਝਾਅ ਸਾਂਝੇ ਕੀਤੇ ਹਨ। ਹੋਰ ਵੇਰਵਿਆਂ ਲਈ ਸੁਣੋ ਇਹ ਖਾਸ ਇੰਟਰਵਿਊ।