အိမ်ကလေး Podcast Trailer

မင်္ဂလာပါ ကျွန်မကတော့သီရိပါ။အိမ်ကလေး Podcast နဲ့ မိတ်ဆက်ပေးပါရစေရှင်။လူတိုင်းလူတိုင်းမှာ ကိုယ်ချစ်ခင်ရတဲ့ မိသားစု ၊ မိဘ၊ မောင်နှမ၊ သားသမီး၊ ချစ်သူ ခင်သူ၊ ဆွေမျိုး၊ အပေါင်းအသင်း၊ မိတ်ဆွေ စတဲ့ Relationship ပေါင်းများစွာနဲ့ နေ့စဉ်ထိတွေ့ ဆက်နွယ်နေကြပြီး ဘဝကို ဖြတ်သန်းနေကြတာပဲ မဟုတ်ပါလားရှင်။ ဒီလို မတူညီတဲ့ ဆက်နွယ်မှုတွေနဲ့ ဘဝကို အသီးသီး ဖြတ်သန်းနေရင်းနဲ့ပဲ ကျွန်မတို့ရဲ့ နေ့စဉ်ဘဝတွေမှာ မလွှဲမသွေ ကြုံတွေ့ကြရတဲ့ အကြောင်းအရင်းတွေကလည်း အများကြီးပဲပေါ့ရှင်။ ဒါကြောင့် ဒီလို မတူညီတဲ့ Relationship ပေါင်းများစွာရဲ့ အချင်းချင်း နားလည်ဘေးမမှုတွေ လွတ်လပ်မှုတွေ ဝါသနာတွေ စီမံခန့်ခွဲမှုတွေ ကျန်းမာရေးစောင့်ရှောက်မှုတွေ ချစ်ခြင်းမေတ္တာ‌တွေ အစရှိတဲ့ ပြောရင်တောင်ကုန်မှာမဟုတ်တဲ့ မျိုးစုံသော အကြောင်းအရာတွေ အများကြီးကို နယ်ပယ်ပေါင်းများစွာက ချစ်ခင်ရသူတွေနဲ့ ကျွန်မတို့ရဲ့ အိမ်ကလေး Podcast မှာ ရင်းရင်းနှီးနှီး စကားဝိုင်းဖွဲ့ ပြောဆိုဆွေးနွေးသွားကြရမှာပဲ ဖြစ်ပါတယ်။ ကျွန်မတို့ရဲ့ အိမ်ကလေး Podcast ကနေ အပတ်စဉ် စိတ်ဝင်စားစရာကောင်းတဲ့ စကားဝိုင်းလေးတွေ၊ သွားရောက်လည်ပတ်လို့ကောင်းတဲ့ နေရာလေးတွေ၊ မိသားစုဝင် အချင်းချင်း ရင်းရင်းနှီးနှီး အတူတူအချိန်ဖြုန်းရင်း ကြည့်လို့ကောင်းမဲ့ ရုပ်ရှင်လေးတွေကို ပြောပြပေးသွားမှာ ဖြစ်ပါတယ်။ ရှေ့ဆက်ပြီးလည်း ပရိသတ်တွေ ကိုယ်တိုင်ပါဝင်နိုင်တဲ့ အထူးအစီအစဉ်တွေလည်း ရှိသေးတယ်နော်။ ချစ်ခြင်းမေတ္တာတွေ အပြည့်နဲ့ ပိုမိုကောင်းမွန်တဲ့ အိမ်ကလေးဖြစ်ဖို့ အားလုံးပဲ အတူတူပါဝင် နားဆင်ပေးဖို့ကိုလည်း သီရိတို့ရဲ့ အစီအစဉ်လေးကနေ ချစ်ခင်ရင်းနှီးစွာနဲ့ ထပ်မံ ဖိတ်ခေါ်လိုက်ပါတယ်။ ဗုဒ္ဓဟူးနေ့တိုင်း အိမ်ကလေးမှာ သီရိတို့ ဆုံကြမယ်နော်။(အိမ်ကလေး Podcast ကို Aye Say Studio မှဖန်တီးတင်ဆက်ပါတယ်)