အိပ်စက်ခြင်းနဲ့ စိုးရိမ်ကြောင့်ကျမှု Emotional Support Session Series 11/25

အိပ်စက်ခြင်းနဲ့ စိုးရိမ်ကြောင့်ကျမှုနှစ်နှစ်ခြိုက်ခြိုက်အိပ်ပျော်ခြင်းဟာကျွန်တော်တို့ရဲ့ဘဝတစ်နေ့တာကို ခွန်အားတွေအဖြစ်ပြောင်းလဲပေးပါတယ်။ အိပ်ရေးဝ၀အိပ်ပျော်သွားတာဟာ နောက်နေ့မနက်မှာ စိတ်ကိုကြည်လင်လန်းဆန်းတတ်ကြွစေပါတယ်။ ဒါကြောင့် တစ်နေ့တာမှာဖြစ်ပေါ်တတ်တဲ့စိတ်အခြေအနေတွေဟာလည်း မိမိတို့ရဲ့ အိပ်ရေးဝမှုနဲ့များစွာဆက်စပ်နေပါတယ်။ ကောင်းစွာအိပ်စက်နိုင်မှ ကျွန်တော်တို့ရဲ့နေ့စဉ်တစ်နေ့တာမှာ အဓိကကျတဲ့ “စိတ်” ကိုရွှင်လန်းပြီး ဟန်ချက်မှန်မှန်နဲ့ထိန်းချုပ်ထားစေမှာပဲဖြစ်ပါတယ်။အိပ်ရေးဝတဲ့သူဟာ တစ်နေ့တာရဲ့ လုပ်ငန်းဆောင်တာတွေလုပ်ဆောင်ရတဲ့အချိန်မှာလဲ လန်းဆန်း ထိရောက်စွာအာရုံစိုက်လုပ်ဆောင်နိုင်တတ်ကြပါတယ်။ ထိုကဲ့သို့မိမိရဲ့စိတ်ကို ဟန်ချက်မှန်မှန်နဲ့ထိန်းချုပ်နိုင်တော့မှ လုပ်ငန်းခွင်ကစိတ်ဖိစီးမှုများ၊ စိတ်ကစဉ်ကလျားဖြစ်မှုများ ၊စိုးရိမ်ကြောင့်ကျလွယ်မှုများနဲ့အခြားသောပြဿနာများကိုလည်း အချိန်အတိုင်းအတာတစ်ခုအထိ ခုခံထားနိုင်မှာပဲဖြစ်ပါတယ်။