အမ်း နပခ ဌာနချုပ်ကို AA သိမ်းပိုက်၊ ဗိုလ်မှူးချုပ် ၂ ဦး အရှင်ဖမ်းမိ

https://burmese.dvb.no/post/682947 ရခိုင်ပြည်နယ်၊  အမ်းမြို့နယ်အခြေစိုက် အနောက်ပိုင်းတိုင်းစစ်ဌာနချုပ်ရဲ့ နောက်ဆုံးလက်ကျန် နပခဌာနချုပ်ကို သိမ်းပိုက်ရရှိပြီး ဒု တိုင်းမှူးနဲ့ အရာရှိတွေကိုအရှင်ဖမ်းမိတယ်လို့ အာရက္ခတပ်တော် (AA) က ဒီဇင်ဘာ ၂၀ ရက်မှာ ထုတ်ပြန်လာပါတယ်။ စစ်တပ်လေကြောင်းပစ်ကူအများအပြားကြားကနေ နပခကို အပြီးသတ်သိမ်းပိုက်ပြီးတဲ့နောက်   နပမ (အမ်း) က တိုင်းဦးစီးချုပ် ဗိုလ်မှူးချုပ် ကျော်ကျော်သန်း၊ ဒုတိုင်းမှူး ဗိုလ်မှူးချုပ်သောင်းထွန်း၊ ဆက်သွယ်ရေးအရာရှိ ဗိုလ်ကြီး အောင်စစ်နိုင်၊ အရာခံဗိုလ် အေးသိန်းတိုး တို့ကို အရှင်ဖမ်းဆီးရမိကြောင်းကိုလည်း ဓာတ်ပုံမှတ်တမ်းတွေနဲ့ တကွ ထုတ်ပြန်လာတာပါ။