Ang Pagkabililhon Sa Gugma Nga Mainantuson

What this episode covers

Sermon Title: ANG PAGKABILILHON SA GUGMA NGA MAINANTUSON Sermon Text: MARCOS 14:1-9 Sermon Series: ANG SUGILANON SA KASAKIT: GIKAN SA PAGLUIB NGADTO SA KRUS By: PTR MATIAS MAHUSAY SR. Marcos 14:1-9 (ANG BIBLIA) Ang Laraw sa Pagpatay kang Jesus (Mat. 26:1-5; Luc. 22:1-2; Juan 11:45-53) 1 Duha na lang ka adlaw sa dili pa ang Kasaulogan sa Pagsaylo ug ang Kasaulogan sa Pan nga Walay Patubo. Ug ang mga pangulong pari ug ang mga eskriba naglaraw kon unsaon nila sa pagdakop kang Jesus pinaagi sa lingla ug sa pagpatay kaniya, 2 kay sila nag-ingon, “Dili lang nato iatol sa kasaulogan, kay tingali unya ug mahitabo ang kaguliyang sa mga tawo.” Si Jesus Gibuboan ug Pahumot Didto sa Betania (Mat. 26:6-13; Juan 12:1-8) 3 Samtang didto si Jesus sa Betania, sa balay ni Simon nga sanlahon, samtang nagtambong sa kan-anan, miabot ang usa ka babaye nga may dala nga mahal kaayo nga pahumot nga lunsayng nardo nga sinulod sa usa ka tibod nga alabastro. Iyang gibuak ang tibod ug ang pahumot gibubo niya sa ulo ni Jesus. 4 Apan dihay nangasuko ug nag-ingon sa ilang kaugalingon, “Nganong giusikan man sa ingon nga paagi kining pahumot? 5 Ang maong pahumot ikabaligya man unta ug kapin sa tulo ka gatos ka denario ug ang halin ikahatag ngadto sa mga kabos.” Ug ilang gisaway pag-ayo ang babaye. 6 Apan si Jesus miingon, “Pasagdi lamang siya. Nganong inyo man siyang samokon? Usa ka maayong buhat kining iyang gihimo alang kanako. 7 Kay ang mga kabos kanunayng anaa kaninyo, ug bisan kanus-a nga buot ninyo, makahimo kamo ug maayo alang kanila, apan ako dili kanunay nga ania kaninyo. 8 Gibuhat niya ang iyang mahimo, ang akong lawas gihaplasan niyang daan alang sa paglubong. 9 Sa pagkatinuod sultihan ko kamo, nga bisan asa sa tibuok kalibotan iwali ang Maayong Balita, ang gibuhat niining babayhana isugilon agig handomanan alang kaniya.” KINATIBUK-AN SA WALI I. Ang Pagpadayag sa Tim-os nga Gugma Ang atong gipanalipdan nagpadayag sa atong gipakabahandi. Ang bililhon nga butang nga Imong gihuptan ug giampingan kinahanglan nga Imong buhian aron dili mahimong babag sa imong dalan padulong sa kaluwasan. II. Ang Pagbabag sa Tim-os nga Gugma Ayaw tan-awa ang mga babag sa palibot tungod kay sa matag sirkumstansya ang Dios mao ang nagkontrol ug nagmaniobra. Kini mahitungod sa imomg pagsurender ngadto Kaniya. III. Ang Pagdepensa sa Tim-os nga gugma Ang pagdayeg ni Jesus mao ang balaanong pagmatuod sa kamatuoran nga dili malimtan.

Distinct summary based on available episode metadata or transcript content.