Antonio Suárez, vocalista e guitarra de Forraje, e os editores Fernando Cimadevila e David Cortizo,no Sombreiro!

Este sábado recibimos no Sombreiro a Antonio Suárez, voz e guitarra de Forraje. Pasaremos revista a estes 15 anos de traxectoria dun grupo musical que xurde na Pobra do Caramiñal, e que tras o éxito acadado a través de concertos, xiras e os seus discos, "Estoy que muerdo" (2003), "Diario de un alma rota" (2005), "Retales de vino y luna" (2009) y "Quejidos que no escucha nadie" (2013), presentan agora un CD+DVD en directo no que estes músicos galegos, cos que colaboraron músicos de agrupacións tan senlleiras coma, "Marea", "Barricada", ou "Extremoduro", fan repaso destes 15 anos de historia agrupados baixo o título "!5 duchas de agua helada". Escoitaremos a Antonio Suárez ao vivo nos nosos estudios de Radio Obradoiro, ao tempo que presentaremos a súa nova carreira en solitario, con voz propia e guitarra, nesta ocasión, en exclusiva para os ouvintes de "O Sombreiro". Parabéns á agrupación e moita sorte a Antonio Suárez nesta nova andaina que será de seguro un éxito. O programa recibe tamén ao editor Fernando Cimadevila, de "Contos Estraños", quen ven falar desta volta como autor da terceira parte de "O mundo secreto de Basilius Hoffman", a piques de presentarse en Compostela, acompañado polo editor, neste caso de Urco Editora, David Cortizo e do ilustrador José María Picón.