Արմինե Ղոնյանի օրինակը

Գունազարդ, կտորե ձեռագործ գրքեր է պատրաստում մասնագիտությամբ լրագրող, մանկավարժ Արմինե Ղոնյանը։ Պատմում է, որ երեխաների համար զարգացնող գրքերի վրա սկսել է աշխատել ուսուցչական գործունենությանը զուգընթաց, երբ «Դասավանդիր Հայաստան» ծրագրով Արցախի դպրոցներում մեկում դասվար էր աշխատում։   Արմինեն ծնվել է Կապանում, սովորել Երևանում, աշխատել Արցախում, հիմա էլ ապրում ու աշխատում է Լոռու մարզի Գուգարք գյուղում։ «Բեռնարդ թոյս» է անվանել իր ստեղծած ապրանքանիշը։ Արմինեն սիրում է կարի մեքենայով աշխատել, բայց երբ նոր էր սովորում զգաց, որ դերձակ չի ցանկանում լինել, և որոշեց այնպիսի բան պատրաստել, որի ստեղծման համար կարի մեքենան պարտադիր կլինի և կապ չի ունենա հագուստի հետ։