Արշակ Պողոսյանի օրինակը

Լոռու մարզի Քարինջ գյուղի դպրոցի 5–րդ դասարանում մայրենի, 11–րդում՝ հայոց լեզու և գրականություն է դասավանդում Արշակ Պողոսյանը։Դպորցում 67 աշակերտ է սովորում, թեև այն նախատեսված է ավելի շատ թվով աշակերտների համար։ Փորձում է հետաքրքիր անցկացնել դասերը, խմբային աշխատանքների միջոցով բոլոր աշակերտներին ներառել։ «Դասավանդիր Հայաստան» ծրագրի 6–րդ սերնդի ուսուցիչներից է, սովորել է ԵՊՀ–ի «Հայ բանասիրություն» ֆակուլտետում։ Երեխաների հետ աշխատելու ցանակություն միշտ է ունեցել։ Ասում է՝ բախտը բերել է, որ կյանքի այս փուլում իր ցանկությունը կատարվել է։ Մինչև Լոռվա մարզ գնալը՝  2020թվին Քաշաթաղի շրջանի Միջնավան քաղաքի դպրոցում էր դասվանդում Արշակը։ Ջերմությամբ է հիշում, որպես ուսուցիչ Արցախում անցկացրած երկու շաբաթը․ հետո սկսվեց 44–օրյա պատերազմը և Միջնավանի երիտասարդների հետ կամավորական ջոկատ կազմելով գնացին։ Արշակը չի ցանկանում վերհիշել այդ ծանր օրերը, միայն լավ ընկերներ մնացին, որոնց հետ կապն այսօր էլ պահպանում է։ Իսկ ահա Միջնավանը ցավոք մնաց թշնամու վերահսկողության տակ։